ލ.އަތޮޅާއި އައްޑޫސިޓީއާ ދެމެދުގެ އަތޮޅުތަކަށް ވައިޓްއެލާޓް ނެރެފިއެވެ. އެސަރަޙައްދަށް ވައިޓް އެލާޓް ނެރެފައިވަނީ ބޯކޮށް ވާރޭވެހި ގުގުރާނެ ކަމަށް ލަފާކުރެވޭތީ ކަމަށް މެޓް ސާވިސް އިން ވިދާޅުވިއެވެ.
މިސަޙައަށް ބޯކޮށް ވާރޭވެހި ގުގުރާނެ ކަމަށް ލަފާކުރައްވައިފައިވާ ވަގުތަކީ މިއަދު ހަވީރު 5:00 އިން ފެށިގެން މިރޭ 10:00 އަށެވެ.
ވައިޖެހޭނެ ކަމަށް ލަފާކުރައްވައިފައިވަނީ އުތުރާއި އިރުއުތުރުން، މެދުތެރޭގެ އަތޮޅު ތަކަށް ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައެވެ. އެހެން ހިސާބުތަކަށް ގަޑިއަކު 3 މޭލާއި 13 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި، ކެރިގަނޑުގައި ގަޑިއަކު ގާތްގަނޑަކަށް 30 މޭލަށް ވައި ގަދަވުން އެކަށީގެންވާ ކަމަށް ވެސް ވިދާޅުވެފައިވެއެވެ.
މެދުތެރޭ އަތޮޅު ތަކުގެ ކަނޑުތައް އާދައިގެ ވަރަކަށް ގަދަ ވާނެ ކަމަށާއި، އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑު ވާނެ ކަމަށް ވެސް ވިދާޅުވެފައިވެއެވެ. ރާޅުތަކުގެ އުސްމިން ހުންނާނީ ދެ ފޫޓާއި 4 ފޫޓާ ދެމެދުގައި ކަމަށް ވެސް މެޓްސާވިސް އިން ވިދާޅުވެފައިވެއެވެ.
