އިންޑިޔާ ސަރުކާރުން ރާއްޖެއަށް ދީފައިވާ ހެލިކޮޕްޓަރު އެއްވެސް ސިޔާސީ ލީޑަރަކަށް ފޮނުވާނުލެވުނު ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
އިންޑިޔާ ސަރުކާރުން ރާއްޖެއަށް ދީފައިވާ ހެލިކޮޕްޓަރު އަނބުރައި ފޮނުވާލަން ކުރީގެ ރައީސް ޔާމީންގެ ސަރުކާރުންވެސް އުޅެފައިވާއިރު އެކަންނުވެ އޮތް އޮތުމަށް އަބަދުވެސް ފާޑު ވިދާޅުވަމުން އަންނަ އުމަރު ވިދާޅުވީ އެއްވެސް ސިޔާސީ ލީޑަރަކަށް ކުރަން ކެރިވަޑައިނުގެންފައިވާ ކަންތައް ކުރައްވާނެ "ވެރިޔަކީ" އޭނާ ކަމަށެވެ.
"އިރާދަކުރެއްވިއްޔާ މި ހެލިކޮޕްޓަރު އަނބުރައި ފޮނުވާލާނެ ވެރިޔަކީ އަޅުގަނޑު" އުމަރު ވިދާޅުވިއެވެ.
ފަހަކަށް އައިސް އުމަރު ގެންދަވަނީ އިންޑިޔާގެ ހެލިކޮޕްޓަރުގެ ކަންތަކުގައި ވަރަށްގިނަ ވާހަކަ ދައްކަވަމުންނެވެ. އެގޮތުން އެ ހެލިކޮޕްޓަރު ދިވެހި ސިފައިންނަށް ނުދުއްވޭތީވެސް ފާޑު ވިދާޅުވިއެވެ. އުމަރު ވިދާޅުފައި ވަނީ ދިވެހިންނަށްވެސް ހެލިކޮޕްޓަރު ދުއްވަން އެނގޭނެ ކަމަށާއި ހެލިކޮޕްޓަރު ދުއްވާށާއި އެއާއި ގުޅުންހުރި ކަންކަމަށް އިންޑިޔާ ސިފައިން ރާއްޖޭގައި ތިބެން ނުޖެހޭ ކަމަށެވެ.
