ދައުލަތުގެ މީޑިޔާ (ޕީއެސްއެމް) ގެ ޗެއާމަން ކަމަށް އިބްރާހިމް ޙިލްމީ އައްޔަން ކުރައްވައިފިއެވެ.
ތ. ވިލުފުށި، ހުސްނުހީނާގެ، ހިލްމީއަކީ ޕީއެސްއެމްގެ ޗެއާމަން ކަމަށް އައްޔަން ކުރެއްވިއިރު އެ ކުންފުނީގެ ބޯޑު މެމްބަރު ކަމަށް އައްޔަން ކުރެއްވީ ޓީވީ ޕްރެޒެންޓަރު ގ. ހިލްމަން މަރިޔަމް ވަޙީދާއެވެ. ހިލްމީ އާއި މަރިޔަމްއަކީވެސް މީގެކުރިން ޓީވީއެމްގައި މަސައްކަތް ކުރެއްވި ދެބޭފުޅުންނެވެ.
ހިލްމީ ވަނީ 2015 ވަނަ އަހަރު އެކުލަވާލި ޕީއެސްއެމްގެ ބޯޑުގެ ވައިސް ޗެއާމަންކަން ކުރައްވާފައެވެ. މަރިޔަމްއަކީ ޓީވީއެމްގެ ވަރަށްގިނަ ޕްރޮގްރާމްތައް ހުށަހަޅައި ދެއްވާފައިވާ ފަރާތެކެވެ. އަދި ކުރީގެ ރައީސް މުޙަންމަދު ނަޝީދުގެ ސަރުކާރުން އުފެއްދި އެމްއެންބީސީގެ ބޯޑު މެމްބަރުކަންވެސް އޭނާ ވަނީ ކުރައްވާފައެވެ.
ހިލްމީ އާއި މަރިޔަމްގެ އިތުރުން ޕީއެސްއެމްގެ ބޯޑުގައި ދެން ހިމެނެނީ މެނޭޖިން ޑިރެކްޓަރ އަލީ ޚާލިދު އާއި ޑެޕިއުޓީ މެނޭޖިންގ ޑިރެކްޓަރ މުޙަންމަދު ޝަމީމެވެ.
