މާލޭގަައި ހޢިމާރާތް ކުރާ ސައިޓްތަކުގެ ސަލާމަތީ ކަންކަން ހުރިނެތް ގޮތް ބަލައި މުރާޖައާ ކުރުމަށް ރައީސް އިބްރާހީމް މުޙައްމަދް ޞާލިޙް އާދީއްތަ ދުވަހު އަންގަވައިފިއެވެ. ރައިސް މިގޮތަށް އެންގެވީ ރައްކާތެރިކަން ނެތް ތަންތަނުގައި ސަލާމަތީ ކަންކަން ކަށަވަރުކޮށް އެތަންތަނަކީ ހިނގާ މީހުންނަށާއި ސައިޓްތަކުގައި މަސައްކަތް ކުރާ މީހުންނަށް އަދި ޢާއްމުންނަށް ރައްކާތެރި ތަންތަނަށް ހެއްދެވުމުގެ ބޭނުމުގައި ކަމަށް އެމަނިކުފާނު މިއަދު ކުރެއްވި ޓުވީޓުގައި ވިދާޅުވެފައިވެއެވެ.
ރައީސްގެ މި ޓުވީޓަކީ މިއަދު ހެނދުނު މާލޭގެ ކޮންސްޓްރަކްޝަން ސައިޓަކުން އުމުރުން 9 އަހަރުގެ ކުޑަ ކުއްޖެއްގެ ބޮލަށް ސިމެންތި ބަސްތާއެއް ވެއްޓި ހިނގި ހިތާމަވެރި ހާދިސާ އާއި ގުޅިގެން ކުރެއްވި ޓުވީޓެކެވެ. ހަދިސާގައި އަނިޔާ ލިބުނު ކުއްޖާ އަށް އައިޖީއެމްއެޗްގައި ފަރުވާ ދެމުންދާއިރު އެކުއްޖާގެ ޙާުލު ސީރިއަސް ކަމަށް އައިޖީއެމްއެޗުން ވަނީ ހާމަކޮށްފައެވެ.
I have ordered an immediate review of safety procedures, and inspection of all construction sites in Male’ so that more stringent measures may be put in place for the safety of workers and the general public. My thoughts and prayers are with the little girl and her family. pic.twitter.com/FP2FMLvrEZ
— Ibrahim Mohamed Solih (@ibusolih) December 16, 2018
