މާދަމާ، އޮކްޓޯބަރ 15، އިން އިން ފެށިގެން 3 ނޮވެންބަރ 2018 ގެ ނިޔަލަށް މޮބައިލް ނަންބަރ ޕޯޓެބިލިޓީ (އެމްއެންޕީ) ޚިދްމަތް ވަގުތީ ގޮތުން މެދުކަނޑާލަން ދިރާގުން ނިންމައިފިއެވެ. ދިރާގުން ނެރުނު ބަޔާނެއްގައި ހާމަކޮށްފައިވާ ގޮތުގައި އެމްއެންޕީ ގެ ޚިދްމަތް މެދުކަނޑާލަނީ ސިސްޓެމް ފެންވަރު ރަނގަޅު ކުރުމަށް މިވަގުތު ކޮންމެހެން ކުރަން ޖެހޭ މަސައްކަތެއް ކުރުމަށެވެ. އަދި މި މުއްދަތުގެ ތެރޭގައި އެމްއެންޕީ ކޯޑު ޖެނެރޭޓް ނުކުރެވޭނެ ކަމަށްވެސް ދިރާގުގެ ބަޔާނުގައި ވެއެވެ. މި މުއްދަތުގެ ތެރޭގައި ކަސްޓަމަރުންނަށް ދިމާވެދާނެ ދަތިތަކަށް ދިރާގުން ވަނީ މައާފަށް އެދިފައެވެ.
