ރ. އަލިފުށިން ގެއްލިގެން ހޯދަމުންދިޔަ މީހަކު މަރުވެފައި އޮއްވާ ފެނިއްޖެއެވެ.
މަރުވެފައި އޮއްވައި ފެނިފައިވަނީ ރ. އަލިފުށި، ހުސްނޫވިލާ، ފަރުހާދު މުޙައްމަދު (37އ) އެވެ.
ފަރުހާދު މުޙައްމަދު ގެއްލިފައިވާ ކަމުގެ މައުލޫމާތު މިއަދު 13:30 ހާއިރު ފުލުހުންނަށް ރިޕޯޓް ކުރުމާއެކު އާންމު ރައްޔިތުންނާ ގުޅިގެން ހޯދުމުގެ މަސައްކަތް ކުރަމުން ދަނިކޮށް، މިއަދު 14:20 ހާއިރު ފަރުހާދު މުޙައްމަދު ފެނިފައިވަނީ އެރަށު އިރުމަތީ ފަރާތު ގޮނޑުދޮށުގައި މަރުވެފައި އޮއްވައެވެ.
އެމީހާ ފެނިފައިވަނީ ހޯދުމުގެ މަސައްކަތްކުރަމުންދިޔަ އާންމުންގެ ބަޔަކަށެވެ.
ފުލުހުން ދަނީ އިތުރަށް މި މައްސަލަ ތަޙުޤީޤު ކުރަމުންނެވެ.
