މާލެއާއި ހުޅުލެއާ ދެމެދު އަޅައިފައިވާ ބްރިޖުގައި އާންމު ދަތުރުތައް މިއަދު ފަށާނެއެވެ.
ހައުސިން މިނިސްޓަރ ޑރ. މުހައްމަދު މުއިއްޒު ވިދާޅުވެފައިވަނީ އާންމު ދަތުރުތަކަށް ބްރިޖު ހުޅުވާލާނީ މިއަދު ހަވީރު 4:00 ގައި ކަމަށެވެ.
އާންމު ދަތުރުތައް މިއަދު ފެށިއަސް އަދި ވެހިކަލް ތަކުން ފީއެއް ނުނަގާނެއެވެ. ބްރިޖުގައި ދަތުރުކުރުމަށް އެމްޕީއެލްއިން ވަނީ ބަސްތައް ވެސް ގެނެސްފައެވެ. މިއަދުން ފެށިގެން ރަސްމިކޮށް ދަތުރު ފެށެންދެން ބަހުގައި ހިލޭ ދަތުރު ކުރެވޭނެއެވެ.
މި ބްރިޖަށް 200 މިލިއަން ޑޮލަރު ޚަރަދު ވެފައިވެއެވެ. މއީ ދިވެހިތާރީޚުގައި ރާއްޖޭގައި އެޅި މިފަދަ ފުރަތަމަ ބްރިޖެވެ.
