ކަންގަނާ ރަނޯތް އާއި ރާޖްކުމާރް ރާއޯގެ ލީޑް ރޯލު ކުޅޭ ފިލްމް 'މެންޓަލް ހޭ ކިޔާ' ނެރޭ ތާޜީޚު އިުލާޏްކޮށްފިއެވެ. މިދިޔަ ޖޫން މަހުން ފެށިގެން ކަންގަނާ އާއި ރާޖްކުމާރް ރާއޯ ދަނީ ލަންޑަންގައި ފިލްމު ޝޫޓް ކުރަމުންނެވެ. ފިލްމު ނެރޭ ތާރީޚު އިއުލާންކޮށްފައިވަނީ ފިލްމުގެ ޕްރޮޑިއުސަރުން، ބާލާޖީ މޯޝަން ޕިކްޗަރސް އިން އިންސްޓެގްރާޟްގައި އާއްމުކުރި ކުރު ވީޑިއޯއަކުންނެވެ. މެންޓަލް ހޭ ކިޔާ ނެރޭނީ 2019ވަނަ އަހަރުގެ ފެބްރުއަރީ މަހުގެ 22ވަނަ ދުވަހުއެވެ.
ވީޑިއޯއިން ކަންގަނާ އާއި ރާޖްކުމާރް ރާއޯ އާ ދެމީހުން އެކަކު އަނެކަކަށް ތިއީ މޮޔައެއް ހޭ ސުވާލު ކުރެއެވެ. އަދި ފިލމުގެ އާ ލުކްވެސް މިވީޑީއޯ އިން ފެނެއެވެ. ފިލްމުގެ ޑަިއރެކްޓަރަކީ ޕްރަކާޝް ކޮވެލަމަދް އެވެ. ފިލްމުގެ ޕްރޮޑިއުސަރު އެކްތާާ ރަވީ ކަޕޫރް ނެރުނު ނޫސްބަޔާނެއްގައި ބުނެފައިވަނީ މި ފިލްމަކީ އިންސާނުންގެ ކިބަިއގައި ހުންނަ ސަކަ މިޒާޖު ދައްކައިދޭ ފިލްމަކަށެވެ. މޮޔަ ވިޔަސް ބާކީ ކޮށްނުލާ އެމީހުންގެ ކިބައިން ފެންނަ ތަފާތުތައް ބަލައިގަންނަންވާޏެ ކަން ދައްކައިދޭ ފިލްމެކެވެ.
ރާޖްކުމާރް ރާއޯ އާއި ކަންގަނާ ވަނީ މީގެ ކުރީން 'ކުއީން' ގައި މަސައްކަތް ކޮށްފައެވެ. ކުއީން އަކީ ހިޓް ފިލްމެކެވެ. މި ފިލްމުގެ ލުކަށް ބަލާއިރު މިފިލްމަށްވެސް ބޮކްސްއޮފީހުގައި ކާޟިޔާބު ލިބޭނެ ކަމަށް ކްރިޓީކުން ލަފާ ކުރެއެވެ.
