ފެނައިގެ މުވައްޒަފުންގެ އާއިލާތަކަށް ޚާއްސަ ކޮށްގެން އެކުންފުނިން ބޭއްވި އެއްދުވަހުގެ ގުރުއާން މުބާރާތުގެ ނަތީޖާ ރޭ ފާޅުކޮށްފިއެވެ.
މުބާރާތް ބޭއްވި ދެގޮތްޕަކަށް (ބަލައިގެން ކިޔުމުގެ ގޮތްޕާއި ހިތުން ކިޔެވުމުގެ ގޮފި) ބަހައިލައިގެންނެވެ. ދެ ގޮފި އެއްކޮށް މުބާރާތުގެ އެއްވަނަ ދެވަނަ އަދި ތިންވަނަ ހޯދި ދަރިވަރުންނަށްވަނީ ތައްޓާއި ފައިސާގެ އިނާމާއި ސެޓްފިކެޓް ހަވާލުކޮށްފައެވެ.
ވަނަތައް ހޯދި ދަރިވަރުންނަށް އިނާމްތައް ހަވާލުކޮށްދެއްވީ ޑިފެންސް މިނިސްޓަރު އާދަމް ޝަރީފް އުމަރެވެ. މިރަސްމިއްޔާތު ބޭއްވީ ހިރިޔާ ސްކޫލުގައެވެ.
މިމުބާރާތުގެ ދެގޮފި އެއްކޮށް އެއްވަނަ ހޯދީ ނައުހާ ސާއީދެވެ. އިނާމެއްގެ ގޮތުގައި އޭނާއަށް ވަނީ ދިހަ ހާސް ރުފިޔާއި، ތައްޓާއި، ހަނދާނީ ލިޔުން ދީފައެވެ. ދެވަނަ ހާސިލް ކުރީ އާމިނަތު އައިނީ އަހުމަދެވެ. އޭނާއަށް އިނާމަކަށް ދީފައިވަނީ ހަތް ހާސް ރުފިޔާއި، ތައްޓާއި، ހަނދާނީ ލިޔުމެވެ. ތިންވަނަ ހާސިލް ކުރީ މުހައްމަދު ޒަލޫފް ޒާއިން އެވެ. އޭނާއަށް ވަނީ އިނާމެއްގެ ގޮތުގައި ހަތަރު ހާސް ރުފިޔާއި، ތައްޓާއި ހަނދާނީ ލިޔުން ދީފައެވެ.
މިމުބާރާތުގައި ބައިވެރިވުމަށް ޖުމްލަ 31 ކުދިން ނަންނޯޓު ކުރިއެވެ. އެހެންނަމަވެސް މޫސުން ގޯސްވެ ކަނޑު ގަދަވުމުގެ ސަބަބުން ބައެއް ކުދިންނަށް މާލެ ނާދެވުމުން މުބާރާތް ބޭއްވި 17 ކުދިންނާ އެކުގައެވެ.
ފެނަކައިން ވިދާޅުވީ އަންނަ އަހަރު ރަމަޟާން މަހު ވެސް މިމުބާރާތް ބާއްވާނެ ކަމަށެވެ. އަންނަ އަހަރު ބާއްވާނީ މިހާރަށްވުރެ ފުޅާކޮށް ކަމަށްވެސް ފެނަކައިން މައުލޫމާތު ދެއްވިއެވެ. މިހާރުން ފެށިގެން އަންނަ އަހަރުގެ މުބާރާތަށް ތައްޔާވުމަށް ވެސް ވަނީ އިރުޝާދު ދީފައެވެ.
