ޕުޑިން އަށް ބޭނުންވާނެ ތަކެތި:
150 ގުރާމް ފްރޯޒަން ސްޓްރޯބެރީ
150 ގުރާމް ފްރޯޒަން ޗެރީ
150 ގުރާމް ފްރޯޒަން ބްލޫބެރީ
ޖޯޑެއްގެ ތިންބައިކުޅަ އެއްބައި ގޯލްޑަން ސިރަޕް
10 ފޮތި ޕާން
ކެރެމަލް ރިޕްލް އައިސްކްރީމަށް ބޭނުންވާނެ ތަކެތި:
495 ގުރާމް ގެރި ކިރު
މޭޒުމަތީ ސަމުސަލުގެ ދެ ސަމުސާ ގޯލްޑަން ސިރަޕް
ޖޯޑެއްގެ ހަތަރުބައިކުޅަ ތިންބައި ކްރީމް
ލޮނު ކޮޅެއް
ވެނީލާ އައިސްކްރީމް
ތައްޔާރުކުރާނެ ގޮތް:
އުނދުން މައްޗަށް ތެއްޔެއް އުދައި ބެރީ އާއި ގޯލްޑެން ސިރަޕް އެޅުމަށްފަހު ތެލީގެ މަތިޖަހައިގެން ފަސް މިނިޓް ވަރު ކައްކާށެވެ. ފަސް މިނިޓްވަރު ކައްކާލީމާ ސޯސް ތައްޔާރު ކުރެވޭނެއެވެ.
ދެން ޖޫސް ނުވަތަ ސޯސްގެ ތެރެއިން ބެރީތައް ނަގާށެވެ. ދެން ޕުޑިން ހަދާ ކުދީ ތަށީގައި މާޖިރީން އުނގުޅުމަށްފަހު ތަށްޓަށް ފިޓުވާ ވަރަށް ޕާން ކަފައި ސިރަޕުން ފޯކޮށްފައި ޕުޑިން ތަށީގައި ބަހައްޓާށެވެ.
ދެން ބެރީ ސިރަޕް އަނެއްކާވެސް އުނދުން މައްޗަށް އުދައި ގްލޭޒް އަށް ވަންދެން ކައްކާށެވެ.
ޕާން އަޅާފައި ހުރި ޕުޑިން ތަށްޓަށް ބެރީތައް އަޅައި ފިލް ކުރާށެވެ. ދެން އޭގެ މައްޗަށް ސިރަޕް އެޅުމަށްފަހު ބެރީތަކުގެ މަތިގައި ޕާން ކޮޅެއް ބާއްވާށެވެ. ދެން ޕާނުގެ މައްޗަށޤ ސިރަޕް އަޅާށެވެ.
އައިސް އަލަމާރީގައި އެއްގަޑި އިރު ނުވަތަ އެއްރޭ ވަންދެން ބަހައްޓާށެވެ.
ކެރެމަލް ރިޕލް ތައްޔާރުކުރުމަށް ތެއްޔެއްގައި ގެރި ކިރާއި ގޯލްޑެން ސިރަޕް ހޫނުކުރާށެވެ. 6 މިނިޓް ވަރު ކެއްކުމަށްފަހު އޭގެތެރެއަށް ކްރީމް އަޅައި އިތުރު 4 މިނޓް ކެއްކުމަށްފަހު އުނދުންމަތީން ބާލާށެވެ.
އައިސްކްރިމާއި ކެރެމަލް ރިޕްލް އެއްކުރާށެވެ.
ޕުޑިން ތަށި އައިސް އަލަމާރިން ނެގުމަށްފަހު ތަށްޓަކަށް ފުށުން ޖަހައި، ބެރީ އާއި އައިސްކްރީމް އާ އެކު ކާން ނަގާށެވެ.
