ގަލޮޅު، އައްބާސާ ގޭގެ ތިރީ ބުރީގެ ކޮޓަރިއެއްގައި މިރޭ އަލިފާން ރޯވެ ބޭނުން ނުކުރެވޭ ވަރަށް އަނދައިފިއެވެ.
އެމްއެންޑީއެފުން ވިދާޅުވީ އެ ހާދިސާގައި އެއްވެސް މީހަކަށް އަނިޔާއެއް ވެފައި ނުވާ ކަމަށެވެ. "އެކަމަކު އެ ހާދިސާގައި އެގޭ ކޮޓަރިވަނީ ބޭނުން ނުކުރެވޭ ވަރަށް އަނދައިފައި،" އެމްއެންޑީއެފްގެ ތަރުޖަމާނު ކެމްޓަން އިބްރާހީމް އާޒިމް ވިދާޅުވިއެވެ.
އޭނާ ވިދާޅުވީ އެ ހާދިސާގެ މައުލޫމާތު ލިބިފައިވަނީ މިރޭ 19:13 ގައި ކަމަށެވެ. މައުލޫމާތު ލިބުމާއެކު އެމްއެންޑީއެފްގެ ޓީމް ވަނީ އެގެއަށް ގޮސް އަލިފާން ނިއްވުމުގެ މަސައްކަތް ފަށައިފައެވެ. ރޯވެފައިވާ އަލިފާން ކޮންޓްރޯލް ވެފައިވަނީ 19:44 ގައި ކަމަށް ވެސް އާޒިމް ވިދާޅުވިއެވެ. އެމްއެންޑީއެފްގެ ޓީމެއް މިހާރުވެސް އެގޭގައު ހަރަކާތްތެރިވަމުން އެބަދެއެވެ.
މިހާދިސާ ހިންގަން މެދުވެރިވި ސަބަބެއް އަދި އެނގިފައެއް ނުވެއެވެ.
