(15 މެއި 2023 ގައި ޝާއިއުކުރި ބަޔާ ގުޅޭ)
ޑރ. އަދި ބުންޏެވެ.
"ބޭގަމް މާޖިދު! ކަލާ ވަރަށް ބޮޑަށް އަރާމު ކުރެއްވުން ބޭނުން. ރަނގަޅަށް އަރާމުކުރައްވާ އަދި ލިއެދީފައިވާ ބޭސް ބޭނުން ކުރެއްވުމުގައި ފަރުވާކުޑަ ނުކުރައްވާތި!"
އަނާ ހިނިތުންވެލިއެވެ. ގެއަށް އައިމަގުމަތީގައި މާޖިދު އަނާއާ ދިމާއަށް ބުންޏެވެ. ޑޮކްޓަރު ބުނިއެއްޗެއް އަޑު އިވުނުތަ! ރަނގަޅަށް އަރާމު ކުރާކަށްނޫންތަ އޭނާބުނީ!"
އަނާ މަޑުމަޑުން ހީނލިއެވެ. އޭނާ އަމިއްލައަށްވެސް މިހާރު އަރާމުކުރަން ޤަސްދުކޮށްފައިވިއްޔާއެވެ. އޭނާ އަމިއްލައަށްވެސް މިހާރު އޭނާގެ ޞިއްޙަތާމެދު ޚިޔާލުކުރަމުން އެބަގެންދޭވިއްޔާއެވެ.
އަނާ އަރާމުކުރަން ފަށައިފިއެވެ. ދެދުވަސް ވަންދެން ކުންފުންޏަކަށް ނުދެއެވެ. ނަމަވެސް....ޑޮކްޓަރގެ ބޭސްބޭނުން ކުރަމުން ދިޔުމާއެކުވެސް މަސައްކަތެއް ނުކޮށް އަރާމުކުރަން އޮތުމާއެކުވެސް އޭނާގެ ބަލިދަނީ ބޮޑުވަމުންނެވެ. ދެ ދުވަހެއްފަހުން އެއްދުވަހަކު ބިއްލާ އަތުވެއްޖެއެވެ. އަދި ކޮންމެވެސް މިސްޓަރ ޘަނާއެއް އައިސް ހުރިވާހަކަ ބުނެފިއެވެ. އަދި އެމީހަކު އަނާއާ ބައްދަލުވާން އެދޭ ވާހަކަވެސް ބުންޏެވެ.
ޘަނާގެ ނަން އިވުމާއެކު އަނާއަށް ތެދުވެ އެނދުމަތީގައި އިށީންދެވިއްޖެއެވެ.
"ވަރަށް ބޮޑަށް އިޙްތިރާމް ކުރުމާއެކު އޭނާ އެތެރެއަށް ގެނޭ ކޮއްކޯ!"
އަނާ މިހާރު ބިއްލާއަށް ކިޔަނީ ކޮއްކޯއެވެ. އެކަމާ ބިއްލާވެސް ދެކޮޅެއް ނުހަދައެވެ. ޘަނާ ކޮޓަރިތެރެއަށް ވަނުމުން އަނާ އޭނާއާދިމާއަށް ބަލާލާފައި ހީނލިއެވެ.
"ކަލާ ބަލިވެ އުޅުއްވަނީތޯ އަނާޖީ!"
ޘަނާ އެތެރެއަށް ވަނުމާއެކު އަނާ ފެނިފައި މިސުވާލުކޮށްލިއެވެ.
"އާނ..އަދި ކަލާއަށް މި އުނދަގޫ ކުރެވުނީ އެހެންވެގެން..އަޅުގަނޑުމެންގެ ކުންފުނީގެ ހުރިހާ ކަމަކާ ކަލާ ޙަވާލުވެ ދެއްވުން އެދެން. މީގެ ކުރިންވެސް އަހަރުދުވަހު ވަންދެން މިކުންފުނީގެ ކަންތައްތައް ބެލެހެއްޓެވީމު ނޫންތޯ؟ ވީމާ ކުންފުނީގެ ހުރިހާ ކަމެއްވެސް އެނގިލައްވާނެ ނޫންތޯ!"
"އެހުރިހާ ކަމެއްވެސް ރަނގަޅު ވެދާނެ... އެކަމަކު ކަލާގެ ޞިއްޙަތަށް ވީކިހިނެއްތޯ؟"
"މަސައްކަތް މާބޮޑުވީމާ ވީގޮތެއް"
"ކަލާ ފޮނުއްވި ސިޓީ އަޅުގަނޑަށް ލިބުނީ ހަމަ މިއަދު މީގެ ކުރީންވެސް އެތައްފަހަރަކު އަންނަން ހިތަށް އަރާ ނަމަވެސް ކަލާގެ ހުއްދަނެތީމާ އަންނަން ނުކެރުނީ މިއަދު ކަލޭގެ ސިޓީ ހަމަ ލިބުމާއެކު މިއައީ"
"ކަލާގެ ރަޙްމަތްތެރިކަމުގެ މައްޗަށް އަޅުގަނޑު ފަޚްރުވެރިވަން ޘަނާއުﷲ!"
"ޝުކުރިއްޔާ އަނާޖީ! ކަލާ އަޅުގަނޑަށް އިތުބާރު ކުރައްވާކަން އެއީ އަޅުގަނޑަށް ލިބޭ އިއްޒަތެއްނޫން... އިށީންނަވާ ކޮޅަށް ތިޔަ ހުންނަވަނީ ކީއްވެ!"
ހަމައެކަނި ކަލާ ބުނުއްވަންދެން ދެން މިއިށީންނަނީ ޘަނާ ހިނިތުންވެލިއެވެ. އަދި ޙިނާ އާދިމާއަށް ބަލާލާފައި ބުންޏެވެ.
"ޙިނާވެސް ބަލިވީތޯ؟
"އާނ....."
"ކޮންއިރަކުންސުރެ...".
"ލައްކަ ދުވަސް ވެއްޖެ... އެތައް ޑޮކްޓަރުންނެއް ބަދަލު ކުރެވިއްޖެ ނަމަވެސް ވީކަމެއް ނެތް.... އޭނާގެ ހުމެއް ވިހެއެއްނުލާ.."
ޘަނާ ތެދުވެގެންގޮސް ޙިނާގެ ކައިރީއަށް ހުއްޓިއްޖެއެވެ.
ނިދާފައި އޮތް ކުޑަކުޑަ ކުއްޖާފުޅަށް އޭނާ ލޯބިކޮށްލިއެވެ. އަދި އަނާ އާ ދިމާއަށް ބަލާލާފައި ބުންޏެވެ.
"ކަލާ މާކުރީން އަޅުގަނޑު އަންނަން އަންގަވަންވެއްޖެ."
(ނުނިމޭ)
އެހާ ކުރުކޮއް އަދި ގެނެސްދޭން ބުނާ ދުވަހުވެސްގެނެސް ނުދެވޭތީ ވަރަށް ދެރަ……
އެހާ ކުރުކޮއް އަދި ގެނެސްދޭން ބުނާ ދުވަސްތަކުގައިވެސް ގެނެސް ނުދެވޭތީ ވަރަށް ދެރަ……
varah varahves reethi haadha kurukohlaafa