މާޖިދު އަހަންނާ ބައްދަލު ކުރަން އަތުވެއްޖެއެވެ.
ވަރަށް މުހިއްމު ވާހަކައެއް ދައްކައިލާން ވެގެންނޭ ބުނެފައެވެ.
އަހަރެން އަހައިފީމެވެ.
މިއަދު މާ މުހިއްމު ވާހަކައަކަށް އޮތީ ކޮން ވާހަކައެއް ހެއްޔެވެ؟
މާޖިދު ބުންޏެވެ.
އަހަރެން ވަރަށް މޮޅު ދިރާސާއެއް ހަދައިފީމެވެ.
ދިރާސާގެ ނަތީޖާ ކިޔައިދެން ހެއްޔެވެ؟
އަހަރެން އާނއެކޭ ބުނީމާ މާޖިދު ފަށައިފިއެވެ.
ދިވެހިރާއްޖޭގެ އާބާދީއަކީ މިހާރު 550776 މީހުންނެވެ.
މީގެ ތެރެއިން ދެ ލައްކަ މީހުންނަކީ ބިދޭސީންނެވެ.
ދޮޅު ލައްކައީ ކުޑަކުދިންނެވެ.
އެއީ އަދި ހޭނުޖެހޭ ބައެކެވެ.
200 މީހުންނަކީ ރައްޔިތުންގެ މަޖިލީހުގައި މަސައްކަތް ކުރާ މީހުންނެވެ.
އޭގައި މެންބަރުންވެސް ހިމެނެއެވެ.
އެއީ މޮޔައިންނެވެ.
576 މީހުންނަކީ ޝަރުއީ ދާއިރާގައި މަސައްކަތްކުރާ މީހުންނެވެ.
އޭގައި އެކި ފެންވަރުގެ ފަނޑިޔާރުންވެސް ހިމެނެއެވެ.
އެއީ ރިޝްވަތުގައި ހިފާ މީހުންނެވެ.
33000 މީހުންނަކީ ސިވިލް ސާވިސްގެ މީހުންނެވެ.
އެއީ މަކަރުހަދާ މީހުންނެވެ.
135 މީހުންނަކީ ރައީސުލްޖުމްހޫރިއްޔާގެ އޮފީހުގެ މީހުންނެވެ.
އެމީހުން ތިބެނީ ނިދާފައެވެ.
95 މީހުންނަކީ މިނިވަން މުއައްސަސާތަކުގެ މީހުންނެވެ.
އެމީހުންނަކީ ކުށްވެރިން ސަލާމަތް ކުރާ ބައެކެވެ.
7300 މީހުންނަކީ ސަލާމަތީ ޚިދުމަތުގެ މީހުންނެވެ.
އެއީ ގައުމު ފަސާދަކުރާ ޚިޔާނަތްތެރިންނެވެ.
35000 މީހުންނަކީ ޕީޕީއެމް މީހުންނެވެ.
އެއީ ވަގުންނެވެ.
54000 މީހުންނަކީ އެމްޑީޕީ މީހުންނެވެ.
އެއީ ލާދީނީ މީހުންނެވެ.
6500 މީހުންނަކީ އެހެން ޕާޓީތަކުގެ މީހުންނެވެ.
އެއީ އަމިއްލަ އެދުމާއިގެން ދުވެނަގާ މީހުންނެވެ.
63968 މީހުންނަކީ އާދައިގެ އެހެން މީހުންނެވެ.
އެއީ ބުއްދިއެއް ނެތް ގުނބޯތަކެކެވެ.
ބާކީ ތިބީ ދެ މީހުންނެވެ.
އެއީ އަހަންނާއި ކަލެއެވެ.
ހޭޖެހޭ، ނުބައެއް ނެތް ދެމީހުންނަކީ އަހަރެމެން ދެމީހުންނެވެ.
ދެމީހުން ވެގެން ގައުމު ހިންގަމާ ހިނގާށެވެ!
