ވެކްސިން ޖެހުމަށް އިންކާރުކޮށް ވެކްސިން ނުޖަހާ ސްކޫލު އުމުރުގެ ކުއްޖަކު ހުރިނަމަ ވެކްސިން ޖެހުމަށްފަހު މެނުވީ ސްކޫލަށް ފޮނުވައިގެން ނުވާނެ ކަމަށް މިނިސްޓަރ އޮފް ހެލްތު ޢަބްދުﷲ އަމީން ވިދާޅުވެއްޖެއެވެ.
މިނިސްޓަރ ވިދާޅުވިގޮތުގައި ރާއްޖޭގައި އާއްމުކޮށް ވެކްސިން ޕްރޮގްރާމް ފެށުނުފަހުން ސްކޫލުގެ އުމުރުގެ ގިނަ ކުދީންނަށް ވެކްސިން ދެވފައިވާ ކަމަށެވެ. ސްކޫލުގެ އުމުރުގަ ވެކްސިން ނުދެވި ތިބި ފާހަގަކޮށް ކުދިންނަށް ވެކްސިން ދިނުމުގެ މަސައްކަތް ކުރައްވަމުން ގެންދަވާ ކަމަސް ވެސް މިނިސްޓަރ ވިދާޅުވިއެވެ.
"ވެކްސިން ނުޖަހާ ހުރި ކުއްޖެއް ކަމުގައި ވާނަމަ، މިހާރުއްސުރެ އެކުއްޖަކު ވެކްސިން ޖެހުމަށްފަހު މެނުވީ ސްކޫލަށް ފޮނުވައިގެން ނުވާނެ. ވެކްސިން ޖެހުމަށް އިންކާރުކޮށް، ވެކްސިން ނުޖަހާ ކުއްޖަކު ހުރި ކަމަށްވާނަމަ ވެކްސިން ޖެހުމަށްފަހު މެނުވީ މިހާރުއްސުރެ ސްކޫލަށް ފޮނުވައިގެން ނުވާނެ." މިނިސްޓަރ ވިދާޅުވިއެވެ.
ވެކްސިނން ޖެހުމަށް މައުލޫމާތުގެ ދަތިކަމެއް ހުރިނަމަ މިނިސްޓްރީގައި މިޙާރު ގާއިމުކޮށްފަިއވާ ހޮޓްލައިން އިން އެ މައުލޫމާތު ލިބޭނެކަމަށް ވެސް މިނސިްޓަރ ވިދާޅުވިއެވެ.
އައްޑު އަތޮޅުގައި ވެކްސިން ނުދޭ ކުދިން ވައްދާ ސްކޫލެއް ހުރި ކަމަށް ކުޑަ ކުދީންގެ ޑޮކްޓަރ އަޙްމަދް ފައިސަލް އާދީއްތަ ދުވަހު ވިދާޅުވިއެވެ. އެ ޓުވީޓަށް ރައްދު ދެއްވަމުން މިނިސްޓަރ އޮފް އެޑިއުކޭޝަން ޑރ. ޢާއިޝާތު ޢަލީ ވިދާޅުވީ ޕްރޮފެޝަނަލުންގެ އެފަދަ ވަހާކަތަކުން ބިރު ފެތުރޭ ކަމަށް ވިދާޅުވެފައެވެ. އަދި އެ މައުލޫމާތު ހިއްސާކޮށްދެއްވުމަށާއި، މައުލޫމާތު ހިއްސާކުރެއްވުމުން އެކަމަށް ވީއެންމެ އަވަހަކަށް ފިޔަވަޅު އަޅުއްވާނެ ކަމަށް ވިދަޅުވެފައެވެ.
When professionals insinuate such things fear and uncertainty tend to spread among the public. Would appreciate if the good doctor can share the information he has with us so that we can attend to it as soon as possible.
— Aishath Ali (@aisthly) January 13, 2020
މިނިސްޓަރ ގެ ޓުވީޓަށް ރައްދު ދެއްވައި ޑރ. އަޙްމަދް ފައިސަލް ވިދާޅުވީ އެއީ ކޮން ސްކޫލެއްކަން އެޗްޕީއޭއަށާއި އައްޑޫގައި ވެކްސިން ޖެހުމާ ހަވާލުވެތިއްބެވި ފަރާތްތަކަށް އެނގިލައްވާނެ ކަމަށެވެ.
އެއީ ކޮން ސުކޫލެއްކަން @HPA_MV އަށާ އައްޑޫގެ ވެކްސިންޖެއްސެވުމާ ހަވާލެތިއްބެވި ފަރާތްތަކަށް އެނގިލައްވާނެ.
އަޅުގަނޑަށް މި މަޢުލޫމާތުތަށް މިދިޔަ އަހަރު އައްޑުއަށް އެކަމާގުޅިގެން ދިޔަ ޓީމާއެކު ދިއުމުން ދެއްވިވެސް އެބޭފުޅުން https://t.co/UckF8oNg8x— Ahmed Faisal (@Faisalnaifaru) January 13, 2020
ނޫސްވެރިއަކު ކުރެއްވި ސުވާލަކަށް ޖަވާޞު ދެއްވަމުން މިނިސްޓަރ ވިދާޅުވީ ސަރުކާރުގެ ސްކޫލްތަކަށް ވައްދާ އިރު އެކަންކަން މޮނިޓަރ ކުރެވޭ ކަމށެވެ. ނަމަވެސް އައްޑޫ ސްކޫލުގެ އިތުރުން އަމިއްލަ އެހެން ސްކޫލެއްގައި ވެސް ވެކްސިން ނުޖަހާ ހުރި ކުއްޖަކު ހުރި ކަމުގެ މައުލޫމާތު އިއްޔެ ލިބިވަޑައިގެންނެވި ކަމަށެވެ. އަދި ޕްރައިވެޓް ސްކޫލްތައް ހުންނަ ތަންނތަނުގައި އެކަން ބޮޑަސް ފާހަގަކުރެވޭ ކަމަށް މިނިސްޓަރ ވިދާޅުވިއެވެ. މީގެ ފަހުން ޕްރައިވެޓް ސްކޫލުތަކަށް ވައްދާ ކުދިންނަކީ ވެކްސިން ޖަހާފައި ތިބޭ ކުދިންކަން، ކަށަވަރު ކުރައްވާނެ ކަމަށް މިނިސްޓަރ ވިދާޅުވިއެވެ. އަދި ސްކޫލުން އެކަމުގެ ޒިއްމާ ނަގަން ޖެހޭނެ ކަމަށް މިނިސްޓަރ ވިދާޅުވިއެވެ. ހަމައެހެންމެ އޮންނަ ނިޒާމުގެ ދަށުން އެފަދަ ތަންތަން ފާހަގަކުރައްވައި ފިޔަވަޅު އަޅުއްވާނެ ކަމަށްވެސް މިނިސްޓަރ ވިދާޅުވިއެވެ.
