މޯލްޑިވްސް ރިފޯމް މޫވްމަންޓް (އެމްއާރުއެމް) ގެ އިންތިގާލީ ރައީސް، ރައީސް އަލްއުސްތާޒު މައުމޫން ޢަބްދުލްޤައްޔޫމަށް ލަފާއެރުވުމަށް 12 މެމްބަރުންގެ މައްޗަށް އެކުލެވޭ ކޮމިޓީއެއް އެކުލަވާލައްވައިފިއެވެ.
މި ކޮމިޓީގެ މައިގަނޑު މަސައްކަތަކީ ޕާޓީ ކުރިއަރުވައި ތަރައްޤީކުރުމުގައި، ޕާޓީގެ ރައީސަށް ލަފައާއި މަޝްވަރާ އެރުވުން ކަމަށް އެމްއާރުއެމުން ބުންޏެވެ.
މިބައްދަލުވުމުގައި ހިމެނިވަޑައިގަންނަވަނީ ރައީސް މައުމޫނުގެ ވެރިކަމުގައި އެމަނިކުފާނުގެ ކެބިނެޓުގައި ހިމެނި ވަޑައިގެންނެވި މިނިސްޓަރުން ކަމަށްވާ ޢުމަރު ޒާހިރާއި، ޢައްބާސް އިބްރާހީމުގެ އިތުރުން ރައީސް މައުމޫންގެ އަނބިކަނަބަލުން ނަސްރީނާ އިބްރާހީމާއި، ރަޙީމާ އާދަމާއި، ޢަލީ ސުޒައިނާއި، ޢާއިޝަތު ޝިހާމާއި، ވަފާ ވަޙީދު މުއްމަދެވެ. އަދި މުއުމިނާ އާދަމާއި،އިސްމާޢީލް މާޖިދާއި، މުޙައްމަދު އަފީފު ޙުސައިން ވެސް ހިމެނިވަޑައިގަންނަވައެވެ.
މިކޮމިޓީގެ ބައްދަލުވުންތައް ކުރިއަށްދާނީ ރައީސް މައުމޫން މަޝްވަރާއަކަށް ބޭނުންފުޅުވެ ވަޑައިގެން ކޮމިޓީއަށް ގޮވައި ލެއްވުމުންނެވެ.
