ލުއި ގޭސްފުޅީގެ ޚާއްސަ ޕްރޮމޯޝަނެއް މޯލްޑިވް ގޭހުން ހޯމަދުވަހު ފަށައިފިއެވެ. މިއީ އެކުންފުނީގެ 20 ވަނަ އަހަރީދުވަހާ ގުޅުވައިގެން ފެށި 20 ދުވަހުގެ ޕްރޮމޯޝަނެކެވެ. މި ޕްރޮމޯޝަނުގައި ވަނީ ޚާއްސަ ދެ ޕެކޭޖެއް ތަޢާރަފް ކޮށްފައެވެ. އެއީ ލުއި ބޭސިކާއި ލުއި ސްޓޭންޑާޑެވެ. މި ޕްރޮމޯޝަން ފެށުމުގެ ރަސްމިއްޔާތު ބޭއްވީ އެސްޓީއޯ ޓްރޭޑް ސެންޓަރުގައެވެ.
ލުއި ބޭސިކް ޕެކޭޖުގެ އަހަގަކީ އެންމެ 1250 ރުފިޔާއެވެ. ސްޓޭންޑާޑު ޕެކޭޖުގެ އަގަކީ 1435 ރުފިޔާއެވެ. މި ޕްރޮމޯޝަނުގައި ލުއިފުޅި ރަޖިސްޓްރީ ކުރުމާއި އިންސްޓޯލް ކުރުމުގެ ޚިދުމަތް ފޯރުކޮށްދޭނެއެވެ. އަދި ގޭސް ފުޅީގެ ހޮޅިއާއި ކްލިޕް ވެސް ލިބޭނެއެވެ. އޭގެ އިތުރަށް 10 ކިލޯގެ ގޭސް ލިބޭނެ އެވެ. މީގެ ތެރެއިން ސްޓޭންޑާޑު ޕެކޭޖަށް އިތުރު ކޮށްފައިވަނީ ރެގިއުލޭޓަރެވެ. އެއީ ތަޅުލެވޭ، ރައްކާތެރި ރެގިއުލޭޓަރެކެވެ.
މޯލްޑިވް ގޭހުން ބުނީ މިއީ ކަސްޓަމަރުންނަށް ދިމާވާ މައްސަލަތަކަށް ޖުމްލަ ޙައްލެއް ހޯދައިދިނުމަށް ތަޢާރަފް ކުރި ދެ ޕެކޭޖެއް ކަމަށެވެ. މިއީ މިގޮތަށް ޕެކޭޖު ތަޢާރަފްކުރި ފުރަތަމަ ފަހަރެވެ. މުސްތަގުބަލުގައިވެސް މިފަދަ ޕްރޮމޯޝަންތައް ކުރިއަށް ގެންދާ ގޮތަށް ވަނީ ހަމަޖެހިފައެވެ.
ލުއިފުޅިތައް ރާއްޖެއަށް ތަޢާރަފް ކޮށްފައިވަނީ އެކި ގޮތްގޮތަށް އެ ޓެސްޓް ކުރުމަށްފަހު އިތުބާރާ އެކުގައެވެ. އެއީ ގެންގުޅެން ފަސޭހަ އެއްތަނުން އަނެއް ތަނަށް އުފުލަން ވެސް އެންމެކަމުދާ ފުޅިއެވެ.
މިފަދަ ޕްރޮމޯޝަން ހިނގުމުގެ މަގުސަދަކީ ކަސްޓަމަރުންނަށް ފަސޭހަ ކޮށްދިނުމެވެ. މޯލްޑިވް ގޭހުން ލުއިފުޅި ބާޒާރަށް ނެރުމަށްފަހު ގެންދަނީ އެއަށް މީހުން ހޭލުންތެރިކޮށް ޚިދުމަތް ރަނގަޅު ކުރުމުގެ ގޮތުން ތަފާތު ޕްރޮމޯޝަންތައް ބާއްވަމުންނެވެ.
