އައިފޯން 7 އަދި އައިފޯން 7 ޕްލަސް، އުރީދޫއިން ރާއްޖޭގައި ވިއްކަން ފެށުމާއެކު އުރީދޫ އެކްސްޕީރަންސް ސެންޓަރުގެ ބޭރުގައި އެތައްބަޔަކު ކިޔޫ ހަދައިފިއެވެ.
އުރީދޫ އެކްސްޕީރިއަންސް ސެންޓަރުގައި މިއަދު ބޭއްވި ހަފްލާއެއްގައި، އުރީދޫއިން ވަނީ އައިފޯން 7 އަދި 7 ޕްލަސް ވިއްކަން ފަށައިފަ އެވެ. އެންމެ ފުރަތަމަ އައިފޯން 7 އުރީދޫއިން ވިއްކާފައި ވަނީ ރާއްޖޭގެ ގައުމީ ފުޓުބޯޅަ ޓީމުގެ ކެޕްޓަން އަލީ އަޝްފާގަށެވެ.
އުރީދޫއަކީ އައިޕޯނު 7 ރާއްޖޭގައި ވިއްކަންފެށި ފުރަތަމަ ފަރާތެވެ.
އެ ކުންފުނިން ވަނީ ކަސްޓަމަރުންނަށް ޚާއްސަ ޕެކޭޖުތަކެއްވެސް ތަޢާރަފްކޮށްފައެވެ.
ފުލް ޕޭމަންޓް ޕްލޭންގެ ދަށުން ފޯނު ގަތުން:
މި އުސޫލުގެދަށުން ފޯނުގަންނަ ފަރާތްތަކަށް، އުރީދޫގެ ކޮންމެ ނަންބަރަކަށް ވެސް ހިލޭ ގުޅޭ ގޮތަށް 1200 ފްރީ މިނިޓްސް، އާއި 12ޖީބީ ޑާޓާ އާއެކު ފޯނު ގަންނަން ލިބޭނެއެވެ. ތިރީގައި މިވަނީ އަގުތަކުގެ ތަފްސީލެވެ.
- އައިފޯން-7 32ޖީބީ – 13,899 ރުފިޔާ
- އައިފޯން-7 128ޖީބީ – 15,899 ރުފިޔާ
- އައިފޯން-7 256ޖީބީ – 17,899 ރުފިޔާ
- އައިފޯން-7 ޕްލަސް 32ޖީބީ – 16,399 ރުފިޔާ
- އައިފޯން-7 ޕްލަސް 128ޖީބީ – 18,399 ރުފިޔާ
- އައިފޯން-7 ޕްލަސް 256ޖީބީ – 20,499 ރުފިޔާ
އިންސްޓޯލްމަންޓަށް ފޯނުގަތުން:
އިންސްޓޯލްމަންޓް ކޮންޓްރެކްޓް ޕޭމަންޓް ޕްލޭންގެ ދަށުން ފޯނު ގަންނަ ފަރާތްތަކަށް، ޖުމުލަ އެއްއަހަރު ދުވަހުގެ ތެރޭގައި ފައިސާ ދައްކާގޮތަށް ފޯނު ގަންނަން ލިބެއެވެ. ތިރީގައި މިވަނީ މި އުސޫލުގެ ދަށުން ފޯނުގަންނަ ފަރާތްތަކަށް ކަނޑައެޅިފައިވާ އަގުތަކުގެ ތަފްސީލެވެ.
- އައިފޯން-7 32ޖީބީ – 899 ރުފިޔާ
- އައިފޯން-7 128ޖީބީ – 1,099 ރުފިޔާ
- އައިފޯން-7 256ޖީބީ – 1,249 ރުފިޔާ
- އައިފޯން-7 ޕްލަސް 32ޖީބީ – 1,099 ރުފިޔާ
- އައިފޯން-7 ޕްލަސް 128ޖީބީ – 1,299 ރުފިޔާ
- އައިފޯން-7 ޕްލަސް 256ޖީބީ – 1,449 ރުފިޔާ
