ސޫރިޔާގެ ސަރުކާރުން ކޮންޓްރޯލްކުރާ އެޤައުމުގެ ބައެއް ސަރަހައްދުތަކަށް ދިން ބޮމުގެ ޙަމަލާތަކެއްގައި މަދުވެގެން 48 މީހުން މަރުވެއްޖެއެވެ.
ރޭފަތިހު ދިން މިޙަމަލާތަކަކީ ހައްދުފަހަނައަޅާފައިވާ އައިއެސް ޖަމާޢަތުން ދިން ޙަމަލާތަކެއްކަމަށް ކަމާބެހޭ ފަރާތްތަކުން ތުހުމަތުކުރެއެވެ. އެހި ސަރަހައްދުތަކުގައި ޖުމުލަ ފަސް ބޮނމެއް ގޮއްވާލާފައިވާއިރު، ވެރިރަށް ދިމިޝްޤާއި، ހަމްސް ގައިެވެސް ވަނީ އޭގެތެރެއިން ބައެއް ގޮވުންތައް ގޮވާފައެވެ. މިޙަމަލާތަކުގައި މަދުވެގެން 48 މީހުން މަރުިވެފައިވާކަމަށް ކަމާބެހޭ ފަރާތްތަކުން ހާމަކުރާއިރު، ސަރުކާރުގެ ހޮސްޕިޓަލުންތަކުންވަނީ 35 މީހުން މަރުވެފައިވާކަން ކަށަވަރުކޮށްދީފައެވެ. އަދި 43 މީހުންވަނީ ވަރަށް ސީރިއަސް ޙާލެއްގައިކަމަށް އެފަރާތްތަކުން ހާމަކުރެއެވެ.
މިޙަމަލާތައް ދީފައިވަނީ ވަރަށް ރާވައިގެން އެއްވަގުތެއްގައި އެތައް ތަނެއްގައި ބޮންގޮވާގޮތަށްކަމަށާ، ޙަމަލާތައް އަމާޒުކޮށްފައިވަނީ ޢާއްމުން ދިރިއުޅޭ ސަރަހައްދުތަކަށްކަމަށް ކަމާބެހޭ ފަރާތްތަކުން ހާމަކުރެއެވެ.
