މާތްވެގެންވާ މަދީނަތުލް މުނައްވަރާގައި ހުންނަ ކީރިތި ރާސޫލާ ގެ މިސްކިތް މަސްޖިދުއްނަބަވީގެ ބޭރުގައި ޖާނުން ފިދާވެގެން ދިން ބޮމުގެ ހަމަލާއެއްގައި މަދުވެގެން 4 މީހުން މަރާލައިފިއެވެ.
ސައުދީ އަރަބިއްޔާގެ ސަރުކާރުގެ އިސް އޮފިޝަލުންނާ ހަވާލާދީ، ޚަބަރުފަތުރާ ވަސީލަތްތައް ބުނާގޮތުން އެޙަމަލާދީފައިވަނީ މީހަކު ޖާނުގޮއްވާލައިގެންނެވެ.
މުސްލިމުންގެ ދެވަނައަށް އެންމެ މުޤައްދަސް ޙަރަަމްފުޅު ކަމަށްވާ މަސްޖިދުއްނަބަވީގެ ކައިރީގައި މިފަދަ ބޮމެއް ގޮއްވާލިއުރު، ފަހަކަށްއައިސް ދަޢުދީ ޢަރަބިއްޔާއަށް ވެސް ވަނީ ޓެރަރިޒަމްގެ ނުރައްކަލާ ކުރިމަތިލާންޖެހިފައެވެ. އެގޮތުން ހައްދުފަހަނައަޅާފައިވާ އައިއެސް ޖަމާޢަތުން ދަޢުދީގެ ބައެއް ސަރަޙައްދުތަކަށް ޙަމަލާދީފައިވެއެވެ.
މާތްވެގެންވާ މަސްދިޖުއްނަބަވީއަކީ، ކީރިތި ރަސޫލާއާއި އަބޫބަކުރުގެފާނާއި އުމަރުގެފާނު ފަސްދާނުލާފައި ތަންވެެސް މެއެވެ.
މިރޭ ބޮން ގޮއްވާލާފައި ވަނީ އެ މާތް މިސްކިތުގެ ކައިރީގައި އޮންނަ ޖަންނަތުލް ބާގީ ޤަބުރުސްތާނުގެ ކައިރީގައެވެ. އެއީ ކީތިރި ރަސޫލާގެ އަނބިކަނބަލުން ޚަދީޖަތުގެފާނުން ފިޔަވައި ރަސޫލާގެ ހުރިހާ އަނބިކަނބަލުންނާއި ދަރިކަލުން އިބްރާހީމާއި ދަރިދަރިކަނބަލުން ރުޤިއްޔާއާއި އުއްމު ކުލްސޫމާއި ޒައިނަބު އަދި ފާތިމަތުގެފާނު ފަސްދާނުލާފައިވާ ޤަބުރުސްތާނެވެ.
މިރޭ މަދީނާގައި ދިން ޙަމަލާގައި އެއްވެސް ދިވެެއްސަކަަށް ކަމެއް ނުވާކަމަށް ޚަބަރު ލިބެއެވެ.
