ރާއްޖޭގެ ދެކުނުގެ ސަރަޙައްދުތަކަށް ކުރަމުންދާ ވިއްސާރައިގައި ގދ. ތިނަދުއަށް ބޯކޮށް ވާރޭވެހި ގެއްލުންވަމުންދާއިރުވެސް މިހާތަނަށް ސަރުކާރުން ރައްޔިތުންގެ ޙާލުބަލަން ފޯންކޯލެއް ވެސް ކޮށްފައި ނުވާކަމަށް ތިނަދޫ ކައުސިލްގެ ރައީސް އިބްރާހީމް އައްސަދު ވިދާޅުވެއްޖެއެވެ.
އާފަތިހަށް މަޢުލޫމާތު ދެއްވަމުން އޭނާ ވިދާޅުވީ ފެންބޮޑުވެ 50 އަށްވުރެ ގިނަގޭގެއަށް ފެންވަދެފައިވާ ކަމަށެވެ. ފެންބޮޑުވުމުގެ ސަބަބުން ބައެއްގޭގެ ފަރުނިޗަރުތަކާއި ހިފައިގެންގުޅޭ ސާމާނަށް ވެސް ގެއްލުން ވެފައިވާ ކަމަށް އޭނާ ވިދާޅުވިއެވެ. އެހެންނަމަވެސް އެހިސާބަށް ކަންތައް ދިޔައިރުވެސް ސަރުކާރުގެ ވަޒީރަކުވެސް ރައްޔިތުންގެ ޙާލު ބެއްލެވުމަށް ގުޅުއްވައިފައި ނުވާ ކަމަށް އައްސަދު ވިދާޅުވިއެވެ.
"ސަރުކާރުގެ ކަމާބެހޭ ވުޒާރާތަކުން އަދިވެސް ޙާލު ބައްލަވައި، އެހީތެރިކަން ބޭނުންވަނީ ކޮންކަމަކުތޯ ވެސް އަދި ބައްލަވައިނުލައްވާ. އެކަމާ އަޅުގަނޑުމެން ކައުންސިލުން ހިތާމަކުރަން،" އައްސަދު ވިދާޅުވިއެވެ.
އޭނާ ވިދާޅުވީ ތިނަދޫގައި މިގޮތަށް ފެންބޮޑުވާންފެށީ ތާރު އެޅިއިރު ގޭގެއާ އެއް ހަމައަކަށް އުސްކޮށް ތާރު އެޅުމުގެ ސަބަބުން ކަމަށެވެ. އެކަން ޙައްލު ކުރުމަށް ސަރުކާރުން ޕްރޮޖެކްޓެއް ރާވައި އެކަން ފެށުމަށް އެމްއާރުޑީސީއާ ޙާވާލު ކުރި ކަމަށް ވެސް ކައުންސިލްގެ ރައީސް ވިދާޅުވިއެވެ. އެހެންނަމަވެސް އެމްއާރުޑީސީ އުވި ޕަބްލިކްވޯކްސްއަށް އެމަސައްކަތްތައް ބަދަލުވުމުން އެ މަޝްރޫޢު ހުއްޓިފައިވާ ކަމަށް އޭނާ ވިދާޅުވިއެވެ. "ފެންބޮޑުވާއިރަށް ފަސް އަޅައިގެން ވެލިބަސްތާ ޖަހައިގެން ތިބުމަކީ ޙައްލެއްނޫން. މިފަދަ ކަންކަމަށް ބޭނުންވަނީ ދާއިމީ ޙައްލެއް. އެހެންވީމާ ފެން ބޮޑުވުމުގެ މައްސަލަ ޙައްލު ކުރެއްވުމަށް ސަރުކާރުން ފެއްޓެވި ޕްރޮޖެކްޓް ވީހާވެސް އަވަހަށް ފަށައި ނިންމެވުމަކީ ކައުންސިލްގެ ވަރަށްބޮޑު އެދުމެއް،" އައްސަދު ވިދާޅުވިއެވެ.
ކުރިޔަށް އޮތް ރއްޔިތުންގެ މޖިލީހުގެ އިންތިޚާބްގަ ތިނަދޫގެ ދެ ގޮނޑި އެމް.ޑީ.ޕީ އަށް ދީ. އޭރުން ބަލާފާނެ