ފްރާންސްގައި މިހާރު ކުރިއަށްދާ ޔޫރޯ ފުޓްބޯޅަ މުބާރާތުގައި ރޭގެ މެޗުތައް ކާމިޔާބުކުރީ، ޖަރުމަނު ވިލާތައި، ކްރޮއޭޝިއާ އާއި ޕޮލެންޑެވެ.
ރޭގެ މެޗުތަކުގެ ތެރެއިން ޖަރުމަނުވިލާތް ނުކުތީ ޔުކްރެއިނާ ދެކޮޅަށެވެ. މިމެޗު ޖަރުމަނުވިލާތުން ކާމިޔާބުކުރީ 2 – 0 ގެ ނަތީޖާއަކުންނެވެ. މެޗްގައި ޖަރުމަނުވިލާތުން ޖެހި ފުރަތަމަ ލަނޑު އެޓީމަށް ކާމިޔާބުކޮށްދިނީ މެޗގެ ނަވާރަވަނަ މިނެޓް ތެރޭގައި މުސްތާފީއެވެ. ދެވަނަ ލަނޑު މެޗުގެ އިތުރުވަގުތުގެ ތެރޭގައި ކާމިޔާބުކޮށްދިނީ ސްވެނިޝްޓެއިގަރ އެވެ.
މި މުބާރާތުގައި ރޭ ކްރޮއޭޝިއާ ބައްދަލުކުރީ ތުރުކީ އާ އެވެ. މިމެޗް ކްރޮއޭޝިއާ ކާމިޔާބުކުރީ 1 – 0 ނަތީޖާއަކުންނެވެ. މެޗުގެ ހަމައެކަނި ލަނޑު ކާމިޔާބުކޮށްދިނީ ލޫކާ މޮޑްރިޗް އެވެ.
ރޭގެ ޕޮލެންޑްވެސް މޮޅުވީ 1 – 0 ނަތީޖާއިންނެވެ. މިއީ ޕޮލެންޑް ޔޫރޯގައި މެޗަކުން މޮޅުވި ފުރަތަމަ މެޗެވެ.
