ފްރާންސްގައި މިހާރު ކުރިޔަށްދާ ޔޫރޯ ފުޓްބޯޅަ މުބާރާތުގައި ރޭ އިނގިރޭސި ވިލާތާ ރަޝިޔާ ބައްދަލުކުރި މެޗު، 1 – 1 އިން އެއްވަރުވެ އިނގިރޭސީން މާޔޫސް ވެއްޖެއެވެ.
ރަޝިއާއިން މިމެޗު އެއްވަރުކުރީ ފަހަތުން އަރައި ލަނޑުޖަހައިގެންނެނެވެ. ރޭގެ މޮޅަށް ކުޅެ ގިނަ ޙަމަލާތައް އުފެއްދީ އިނގިރޭސީންނެނެވެ. އިނގިރޭސީންނަށް ރޭގެ މެޗުގެ ލީޑު ނަގައިދިނީ، ލިބުނު ހިލޭ ޖެހުމަކުން ޒުވާން މިޑްފީލްޑަރު އެރިކް ޑަޔާ އެވެ. އޭނާ މިލަނޑުޖެހީ މެޗުގެ 73 ވަނަ މިނެޓުގައެވެ. އޭނާ މިލަނޑު ޖެހުމުގެ ކުރިންވެސް އިނގިރޭސީންނަށް ވަނީ ލަނޑުޖަހާނެ ގިނަ ފުރުސަތަކެއް ލިބި ބޭކާރުވެފައެވެ.
މިމެޗު ނިމެންދިޔައިރުވެސް އޮތީ މިނަތިޖާކަމަށްވުމުން އިނގިރޭސީން މި މެޗުން މޮޅުވާނެ ކަމަށް ގިނަބަޔަކުތިބީ ނިންމައިގެންނެވެ. އެހެންނަމަވެސް މެޗްގެ އިތުރު ވަގުތުގެ އެންމެ ފަހު މިނެޓްގައި ރަޝިއާގެ ކެޕްޓަން ބެރެޒުޓްސްކީ ވަނީ ލަނޑެއްޖަހައި މެޗުގެ ނަތީޖާ ހަމަހަމަކޮށްފައެވެ.
މީގެ އިތުރުން ރޭ މި މުބާރަތަށް މުޅިން އަލަށް ކޮލިފައިވި ވޭލްސް ވަނީ ސޮލަވާކިއާގެ މައްޗަށް 2-1 ގެ ނަތީޖާއަކުން ކުރި ހޯދައި އެޓީމުގެ ޔޫރޯގެ ފުރަތަމަ ކާމިޔާބީ ހޯދާފައެވެ.
ރޭހެ މެޗްގެ 10 ވަނަ މިނެޓްގައި ވޭލްސްގެ ފުރަތަމަ ކާމިޔާބުކޮށްދިނީ ލިބުނު ހިލޭ ޖެހުމަކުން ރެއާލް މެޑްރިޑަށްކުޅޭ، އެޤައުމުގެ އިތުބާރު ފޯވަޑް ގެރެތު ބޭލް އެވެ. މިލަނޑާއެކު ގެރެތް ބޭލް ވެގެންދިޔައީ ޔޫރޯ ފުޓްބޯޅަމުބާރާތުގެ ތާރިޚުގައިވެސް ވޭލްސް އަށް އެންމެ ފުރަތަމަ ލަނޑެއް ކާމިޔާބުކޮށްދިން ކުޅުންތެރިޔާއަށެވެ.
ސޮލަވާކިއާގެ ހަމައެކަނި ލަނޑު ޖަހާފައިވަނީ މެޗްގެ 61 ވަނަ މިނެޓްގައި ކުރީ ޑޫޑާއެވެ. ވޭލްސްގެ ދެބވަނަ ލަނޑު ޖެހީ ކުރީ ރޮބްސަން ކާނޫއެވެ.
