އެމެރިކާގެ ރައީސްގެ މަޤާމަށް ކުރިމަތިލައްވާފައިވާ ކެނޑިޑޭޓުންގެ ތެރެއިން މިހާރުގެ ރައީސް ބަރަކް އޮބާމާ ތާޢީދުކުރައްވަނީ ޑިމޮކްރެޓިކް ކެނޑިޑޭޓު ހިލަރީ ކްލިންޓަން ކަމުގައި އޮބާމަ ރަސްމީކޮށް ޢިއުލާންކުރައްވައިފިއެވެ.
"އައިއެމް ވިތް ހާރ" ނުވަތަ އަހަރެން މިހިރީ އޭނަ (ހިލަރީ) އާއެކު މި ނަމުގައި އޮބާމާ ޢިއުލާންކުރައްވާފައިވާގޮތުގައި، ހިލަރީ ކްލިންޓަނަކީ، އެމަނިކުފާނަށްފަހު އެމެރިކަގެ ރިޔާސީ ގަނޑުވަރު ވައިޓްހައުސް އަށް ވަދެވަޑައިގަތުމަށް އެންމެ ޤާބިލް، ބޭފުޅާއެވެ. އޮބާމާ މިހެން ވިދާޅުވީ، ޑިމޮކްރެޓިކް ޕާޓީގައި ހިލަރީއާއި ވާދަކުރެއްވި، ބާރނީ ސެންޑާރސްއާއި ބައްދަލުކުރެއްވުމަށްފަހު ވާހަކަފުޅުދައްކަވަމުންނެވެ.
އޮބާމާ ވިދާޅުވީ، އެމެރިކާގެ ފުރަތަމަ އަންގެން ރައީސްގެ ޙައިސިއްޔަތު ތާރިޚު ބަދަކުލޮށްލައްވާނެ ބޭފުޅަކަށް ހިލަރީ ވެވަޑައިގަންނަވާނެކަމަށް އުންމީދުކުރައްވާކަމަށެވެ. އޮބާމާ ވިދާޅުވީ ހިލަރީއަށްވުރެ ޤާބިލް އެހެން ބޭފުޅަކި މިމަޤާމަށް މިވަގުތު ނެތްކަމަށެވެ.
