ޕެޓްރޯލާއި ޑީސެލް ވިއްކާތަންތަން 24 ގަޑިއިރު ހުޅުވާފައި ބަހައްޓާ ގޮތަށް އިކޮނޮމިކް މިނިސްޓްރީން ހަމަޖައްސަވައިފިއެވެ.
އެ މިނިސްޓްރީން މިގޮތަށް ހަމަޖެއްސެވީ އިމްޕޯޓު މުދާ ވިއްކުމުގެ ޤަވާޢިދަށް އިސްލާހު ގެނެސްގެންނެވެ. އެ ޤަވާއިދުގައި ކުރިން ބުނެފައިވަނީ ޕެޓްރޯލާއި ޑީސެލް ވިއްކާ ތަންތަން ހުޅުވައިފައި ބެހެއްޓޭނީ ފަތިހު 5:00 އިން މެންދަމު 12:00 އަށް ކަމަށެވެ. މިގެނައި އިސްލާހުގެ ދަށުން 24 ގަޑިއިރު ހުޅުވިފައި ބެހެއްޓޭބީ އިކޮނޮމިކް މިނިސްޓްރީން ހުއްދަނަގައިގެން ހިންގާ ތަންތަން އެކަންޏެވެ.
މިސަރުކާރުން ވަނީ ކެފޭ، ރެސްޓޯރެންޓް ފަދަ ތަންތަން ވެސް 24 ގަޑިއިރު ހުޅުވާފައި ބެހެއްޓޭނެގޮތް ހަމަޖައްސަވައި ދެއްވާނެ ކަމަށް ވިދާޅުވެފައެވެ. އެކަން ހަމަޖެއްސުމަށް މިހާރު ގެންދަވަނީ އާންމުގެ ޚިޔާލު ހޯއްދަވަމުންނެވެ.
