އަފްޣާނިސްތާނުގެ ޠާލިބާނުންގެ ލީޑަރު މުއަލާ އަޚުތަރު މަންސޫރު ވަނީ އެމެރިކާގެ ޙަމަލާއެއްގައި މަރުވެފައެވެ. އޭނާ މަރުވެއްޖެކަމަށް ޠާލިބާނުންވެސް މިހާރުވަނީ އެއްބަސްވެފައެވެ. މުއްލާ އަޙުތަރަކީ ޠާލިބާނުންގެ ކުރީގެ ލީޑަރު އަދި ޠާލިބާން ޙަރަކާތް އުފެއްދުމުގެ އެއް މޭސްތިރިއާ މުއްލާ އުމަރު މަރުވުމާގުޅިގެން ޠާލިބުންގެ ލިޑަރަކަށް ޢައްޔަންކުރި މީހެކެވެ. އެމެރިކާއިން މުއްލާ އުމަރު މަރާލާފައިވަނީ 2013 ވަނަ އަހަރުގައެވެ.
އެންމްފަހުން ޠާލިބާނުންގެ ލީޑަރަކަށް ހުރި މުއްލާ އަޚުތަރު މަރުވެފައިވާކަމަށް، ޠާލިބާނުން ޔަޤީންކަންދިނީ ބުދަދުވަހު ހެނދުނުއެވެ. އަދި އެމީހުންގެ އާލީޑަރަކަށް މުއްލާ ޙައިބަތުﷲ އަޚުންޒާދާ ޢައްޔަންކޮށްފައިވާކަން ވެސް ޠާލިބާނުންވަނީ ހާމަކޮށްފައެވެ. ހައިބަތުﷲ އަކީ ދީނީ ޢިލްމުވެރިއެކެވެ. އަދި ޠާލިބާނުންގެ ވެރިކަން އަފްޣާނިސްތާނުގައި އޮތް އިރު އޭނާއަކީ ފަނޑިޔާރެކެވެ.
އޭނާ މަޝްހޫރުވެފައިވަނީ ޠާލިބާނުންގެ ވެރިކަމުގެ ދުވަސްވަރު، މަރުގެ ޙުކުމްކުރުންފަދަ، ބޮޑެތި ޙުކުމްތައް އިއްވާ ހަރުކަށި އަދި ވަރުގަދަ ފަނޑިޔާރެއްގެގޮތުގައެވެ. އޭނާ ނިސްބަތްވަނީ ކަންދަހާރު ޕްރޮވިންސަށެވެ. 1980 އަހަރުތަކުގައި އަފުޣާނިސްތާނުގައި އޭރުގެ ރޫސީވިލާތުގެ ސިފައިނާދެކޮޅަށް ކުރި ހަނގުރާމައަށްފަހު، ބާރުގަދަވެގެންދިޔަ ޠާލިބާން ޙަރަކާރާ އޭނާގުޅުނީ 1994 ވަނަ އަހަރު، ޠާލިބާނުންގެ އޭރުގެ ލީޑަރު މުއްލާ އުމަރުގެ ޒަޢާމަތުގައެވެ. އެއާއެކު މުއްލާ އުމަރުވަނީ އޭނާ ކަންދަހާރުގެ އަސްކަރީކޯޓުގެ އިސްފަނޑިޔާރަކަށް ޢައްޔަންކޮށްފައެވެ. އެއާއެކު ޠާލިބާނުންގެ ޖަމާޢަތުގައި މުއްލާ ހައިބަތުﷲ އަޚުންޒާދާއަކީ ނުފޫޒުގަދަ ބާރުގަދަ މީހަކަށްވެގެންދިޔައެވެ.
އޭނަކީ ޠާލިބާނުންގެ މުހިންމު ނިންމުންތަކުގައި ފަހުބަސްބުނުމުގައި މުހިންމުމީހެކެވެ. އެގޮތުން އެޖަމާޢަތުން ދެމުންދާ އެކިއެކި ޙަމަލާތައްރާވައި ހިންގުމާއި، ޚާއްސަކޮށް އެކިތަންތަނުގައި ބޮންގޮއްވުމުގައި ފަހުގެ ނިންމުން ނިންމުމުގައި މުއްލާ ހައިބަތުﷲ އަޚުންޒާދާގެ ބަހަކީ މުހިންމު އެއްޗެކެވެ.
އެހެންކަމުން ޠާލިބާނުންގެ ކުރީގެ ލީޑަރު މުއްލާ އުމަރާއި، އެންމެފަހުން މަރުވި، ލީޑަރު މުއަލާ އަޚުތަރު މަންސޫރަށްފަހު ދެން ހުރި އެންމެ ނުރައްކާތެރި ޠާލިބާނުންގެ ތެރޭގައި ނުފޫޒުގަދަ މީހަކީ މުއްލާ ހައިބަތުﷲ އަޚުންޒާދާއެވެ.
