މާޒީވެގެން މި ދަނީ ރާއްޖެ ދުށް އެންމެ އަނިޔާވެރި، އެންމެ ކޮރަޕްޝަން ބޮޑު، އެންމެ ޚުދުމުޚުތާރު ފަސް އަހަރު އަދި އެންމެ ނާ އިންސާފު ފަސް އަހަރު ކަމަށް އިދިކޮޅު ރިޔާސީ ކެންޑިޑޭޓް އިބްރާހީމް މުޙައްމަދު ސާލިހު (އިބޫ) ވިދާޅުވެއްޖެއެވެ.
އިބޫ ވިދާޅުވީ ރާއްޖޭގައި ފަހުގެ ތާރީޚުގައި އުފެދުނު އެންމެ ވަރުގަދަ ލީޑަރުންގެ ތެރޭގައި ހިމެނިވަޑައިގަންނަވާ 4 ލީޑަރަކަށް ކުރައްވައިފައިވާ ބޭއިންސާފު ހުކުމްތަކުގެ ސަބަބުން މިސަރުކާރުގެ ތާއިދު ވަނީ ނޭވާ ހޯލިއަށް އެޅިފައި ކަމަށެވެ.
ރައީސް ޔާމީންގެ "ޝިކާރައަކަށް" ވެފައިވާ ހުރިހާ ބޭފުޅުން އެމަނިކުފާނުގެ ވެރިކަމެއްގައި މިނިވަން ކޮށްދެއްވާނެ ކަމަށް ވެސް އިބޫ ވިދާޅުވިއެވެ. އެމަނިކުފާނު ވިދާޅުވީ އެއްވެސް މީހެއްގެ ހައްގަކަށް އަރައިގެންފި ކަމަށްވާނަމަ އޭގެ ބަދަލު އެކަންކުރި މީހަކަށް އިންސާފާއެކު ލިބިގެންދާނެ ކަމަށެވެ.
އެމަނިކުފާނު ވެރިކަމަށް ވަޑައިގަންނަވަނީ ރައްޔިތުންނަށް އޯގާވެރި ވެރިކަމެއް ކޮށްދެއްވަން ކަމަށާއި އެއްވެސް މީހެއްގެ މައްޗަށް އެމަނިކުފާނު އަނިޔާވެރިވެ ވަޑައި ނުގަންނަވާނެ ކަމަށް އިބޫ ވިދާޅުވިއެވެ. ރައްޔިތުން ބޭނުންވާ އިންސާފާއި ހަމަހަމަކަން ލިބިގެންދާނީ ބޮޑު ބަދަލެއް ގެނެސްގެން ކަމަށް ވެސް އެމަނިކުފާނު ވިދާޅުވިއެވެ.
އިބޫ ވިދާޅުވީ ރާއްޖެ މިހާރުވަނީ ބައިނަލް އަގުވާމީ ގޮތުން އެކަހެރިވެފައި ކަމަށެވެ. އެހެންނަމަވެސް އެބާކީވެފައިވާ ބާކީވުން ސެޕްޓެމްބަރު 23 ގައި ބަދަލުވެގެންދާނެ ކަމަށް އުންމީދު ކުރައްވާ ކަމަށް ވެސް ވިދާޅުވިއެވެ.
