ގުޅިފައިވާ ޕާޓީތަކުގެ ރިޔާސީ ކެންޑިޑޭޓުގެ ނުވަތަ އެ ޕާޓީތަކުގެ ދީނީ ސިޔާސަތު ހާމަ ނުކުރައްވައިގެން ރައީސް ޔާމީން ގެ ރަނިންމޭޓް ޑރ. މުހައްމަދު ޝަހީމް އަލީ ސައީދު ކަންބޮޑުވުން ފާޅު ކުރެއްވުމުން ޖޫމްހޫރީޕާޓީން އެކަމަށް މިރޭ ވަރުގަދަ ރައްދެއް ދެއްވައިފިއެވެ.
ޖުމްހޫރީޕާޓީގެ ދިހަވަނަ އަހަރީ ޖަލްސާގައި ވާހަކަ ދައްކަވަމުން އެޕާޓީގެ ރައީސް އަލީ ވަހީދު ވިދާޅުވީ އިބޫ ނުވަތަ ގުޅިފައިވާ ޕާޓީތަކުގެ ދީނީ ސިޔާސަތަކީ ވެރިފައި ކުރަންޖެހޭ އެއްޗެއް ނޫންކަމަށެވެ.
"އަޅުގަނޑުމެންގެ ދީނީ ސިޔާސަތަކީ ކީރިތި ގުރުއާނާއި ކީރިތި ރަސޫލާގެ ސުންނަތާއި ދަންނަ ބޭކަލުންގެ އިޖުމާއު،" އަލީ ވިދާޅުވިއެވެ.
އޭނާ ވިދާޅުވީ އެބޭފުޅުންނަކީ ދީން ހަތިޔާރަކަށް ހައްދަވާނެ ބޭފުޅުންނެއް ނޫން ކަމަށެވެ. އޭގެ ބަދަލުގައި އެބޭފުޅުން ނުކުމެ ތިއްބެވީ ސިޔާސީ މަސައްކަތަކަށް ކަމަށްވެސް ވިދާޅުވިއެވެ.
އިބޫ އަކީ ނުކިޔަވާ ހުންނެވި ބޭފުޅެއް ކަމަށް ބުނެ އެވާހަކަ ފަތުރަމުންދާތީ އަލީ މިރޭ ވަނީ އެއަށްވެސް ރައްދު ދެއްވައިފައެވެ. ޚުލްގުވެރި ވެރިކަމެއް ކުރުމާއި އިޖުތިމާއީ އަދާލަތު ގާއިމްކުރުމުގެ އެންމެމަތީ ފާސް އެ ކޯލިޝަނުގައި އެބައޮތް ކަމަށް އަލީ ވިދާޅުވިއެވެ.
"އިބޫއަކީ ޚުލްގު ހެޔޮ ލާމަސީލު ނަމޫނާއެއް" އޭނާ ވިދާޅުވިއެވެ. ދިވެހިރާއްޖޭގެ މާހައުލުން އިބޫފަދަ ދެވަނަ ކެންޑިޑޭޓަކު ނުދެއްކޭނެ ކަމަށާއި ރަނިންމޭޓް ފައިސަލަކީ ގާސިމް އިބްރާހީމް ފަދަ ހިތްޕުޅު ހެޔޮ ސާދާ ބޭފުޅެއް ކަމަށް ވެސް ވިދާޅުވޮއެވެ.
