ރައްޔިތުންގެ މަޖިލީހުން ފާސްކުރާ ބަޖެޓްގައި ހިމެނޭ ކަމެއް ކަމަށްވާ ނަމަ އެކަމެއް ސަރުކާރުން ފުރިހަމަކޮށްދެއްވާނެ ކަމަށް އެންވަޔަރަމަންޓް މިނިސްޓަރ ތޯރިގް އިބްރާހިމް ވިދާޅުވެއްޖެއެވެ.
މިނިސްޓަރ ތޯރިގް މިހެން ވިދާޅުވީ މަޖިލީހުގެ މިއަދުގެ ޖަލްސާ އަށް ހާޒިރުވެވަޑައިގެން މެމްބަރުން ކުރެއްވި ސުވާލުތަކަށް ޖަވާބުދެއްވަމުނެވެ.
މިނިސްޓަރ ވިދާޅުވީ ރައީސް ޔާމިންގެ ވެރިކަމުގައި ދިހަ ރަށެއްގެ ފެނުގެ ނިޒާމް ޤާއިމްކޮށްފައިވާއިރު، މިފަދަ އިތުރު މަޝްރޫޢުތައް މިޙާރުވެސް ޜާއްޖޭގެ އެކި ރަށްރަށުގައި ކުރިއަށް ދާ ކަމަށެވެ.
މިނިސްޓާރ ތާރިގް އިތުރަށް ވިދާޅުވީ ފެނާއި ނަރުދަމާގެ ނިޒާމަކީ މިސަރުކާރުން އެންމެ އިސްކަމެއް ދީގެން އަތޮޅުތެރޭގައި ޤާއިމްކުރަމުންދާ އެއް ނިޒާމް ކަމަށް..
މިއަދުގެ ޖަލްސާގައި ކިނބިދޫ ދާއިރާގެ މެމްބަރު އަބްދުﷲ ރިޔާޒް ތ. ހިރިލަންދޫ އަދި ކިނބިދޫ ފެނުގެ ނިޒާމް ގާއިމްކުރުމުގެ މަޝްރޫއު އާއި ގުޅޭ ގޮތުން ކުރެއްވި ސުވާލަށް ޖަވާބުދެއްވަމުން މިނިސްޓަރ ތޯރިގް ވިދާޅުވީ، އެ ދެ މަޝްރޫޢު މި އަހަރުގެ ބަޖެޓްގައި ހިމެނިފައި ނުވާތީ އެ މަޝްރޫޢުތައް ފެށޭނެ ތާރީޚެއް ދަންނަވަން ނޭނގޭ ކަމަށެވެ.
މިއަދުގެ ޖަލްސާގައި ބައެއް މެމްބަރުން ވަނި އެ މެމްބަރުންގެ ދާއިރާގައި ހުރި މަޝްރޫޢުތައް ލަސްވަމުން ދާތީ އެކަމާއި މެދު ކަންބޮޑުވުން ފަޅުކުރައްވާފައެވެ.
އަދި ބަޖެޓްގައި ފައިތުވި އަހަރު ހިމެނުމަށް ފަހު ކުރިއަށް ނުގެންދެވި ހުރި މަޝްރޫޢުތައް މިއަހަރުގެ ބަޖެޓްގައި ނެތް މައްސަލަ ވެސް މެމްބަރުން ފާހަގަކުރެއްވިއެވެ.
