ޑިލިޖެންޓް ބްރަދާސް ޕްރައިވެޓް ލިމިޓެޑުން އުފައްދާ "މިއާހް" ބްރޭންޑުގެ ފެންފުޅިއަކާއި ޑިސެޕެންސަރއެއް ވަރަށް އަގުހެޔޮކޮށް ލޮބޭ ޕްރޮމޯޝަނެއް ފަށައިފިއެވެ.
ދިލިޖެންޓް ބްރަދާސް އިން މައުލޫމާތު ދެއްވި ގޮތުގައި ޕޮރޮމޯޝަން ކުރިއަށްދާނީ ޖުލައި 7 އިން ފެށިގެން އޯގަސްޓް މަހުގެ ނިޔަލަށެވެ. އެ މުއްދަތުގައި އެތަނުން ވިޔާފާރިކުރާ ފަރާތްތަކަށް ޚާއްސަ ޑިސްކައުންޓެއް ލިބޭނެއެވެ. އެގޮތުން އެތަނުން ވިއްކާ ކުޑަ ޑިސްޕެންސަރެއް 18.9 ލީޓަރުގެ ފެންފުޅިއަކާއެކު 500 ރުފިޔާއަށް ލީބޭނެ ކަމަށް އެތަނުން ބުންޏެވެ. ޕްރޮމޯޝަނުގެ ކުރިން އެތަނުން ކުޑަ ޑިސްޕެންސަރެއް ވިއްކީ 800 ރުފިޔާއަށެވެ. އަދި ކުރިން 1660 ރުފިޔާއަށް ކުރިން ވިއްކި ބޮޑު ޑިސްޕެންސަރެއް 18.9 ފެންފުޅިއަކާއެކު ޕްރޮމޯޝަނުގެ ތެރޭގައި ވިއްކަނީ 800 އަށް ކަމަށްވެސް އެތަނުން ބުންޏެވެ.
އެ ކުންފުނިން ވިއްކަނީ 18.9 ލީޓަރުގެ ފެންފުޅިއާއި، 5 ލީޓަރުގެ ފެންފުޅިއެވެ. އޭނާ ވިދާޅުވީ މިއަހަރު ފަހުކޮޅި 1.5 ލީޓަރުގެ ފުޅިއާއި 500 އެމްއެލްގެ ފުޅި ވެސް ބާޒާރަށް ނެރޭނެ ކަމަށެވެ.
މި ފެންކުންފުންޏަކީ އައްޑޫ ސިޓީ ހުޅުދޫގައި ވަރަށްފަހުން ގާއިމްކޮށް ޚިދުމަތް ދެމުން ގެންދާ ފެންކުންފުންޏެވެ. އެތަނުން ވިއްކާ ފެނަކީ ވެސް ބައިނަލް އަގުވާމީ މިންގަނޑަށް ފެތޭ މީރު ފެނެކެވެ. އައްޑޫ ސިޓީއަށް މި ބްރޭންޑުގެ ފެން މިހާރު ގެންދަނީ ވަރަށް ބޮޑަށް އިސްތިހާރުކޮށް މަޝްހޫރު ކުރަމުންނެވެ.
