މިއަހަރު ސެޕްޓެމްބަރު 23 ގައި ބާއްވާ ރިޔާސީ އިންތިޚާބުގައި ގުޅިފައިވާ ޕާޓީތަކުގެ ރިޔާސީ ކެންޑިޑޭޓެއްގެ ގޮތުގައި އެމްޑީޕީގެ ބޭފުޅަކު ނެރެ އެބޭފުޅެއްގެ ރަނިން މޭޓަކަށް ޖޭޕީގެ ބޭފުޅަކު ނެރުމަށް މިރޭ ނިންމައިފިއެވެ.
ގުޅިފައިވާ ޕާޓީތަކުން ނެރެފައިވާ ބަޔާނެއްގައު ބުނެފައިވަނީ އެތައް ބައެއްގެ ގުރުބާނީއަށްފަހު ރާއްޖެއަށް ތައާރަފްކޮށްފައިވާ ޑިމޮކްރަސީ މިސަރުކާރުން މިހާރުވަނީ ފަނާކޮށް ވެއްޔާ މޮޑެލައިފައި ކަމަށެވެ. އަދި ދައުލަތް ހިންގުމުގެ ދުސްތޫރީ ނިޒާމްވެސް އެފަދައެވެ. ސަރުކާރުން ވަނީ އިންސާ ހައްގުތައްވެސް ނިގުޅައިގެންފައި ކަމަށް އެބަޔާނުގައި ވަނީ ބުނެފައެވެ. އެހެން ކަމުން މިވެރިކަން ނިމުމަކަށް ގެނައުމަށްޓަކައި އެމްޑީޕީއާއި، ޖުމްހޫރީ ޕާޓީ އާއި، އަދާލަތު ޕާޓީއާއި ރައީސް މައުމޫން ގުޅިވަޑައިގެން ކުރަމުންދާ މަސައްކަތުގައި އެ ޕާޓީތައް ތަމްސީލް ކުރުމަށް އެމްޑީޕީގެ ރިޔާސީ ކެންޑިޑޭޓަކާއި ޖޭޕީގެ ރަނިން މޭޓަކުން ނެރުމަށް މިރޭވަނީ ނިންމަވައިފިއެވެ.
މިކަން އެގޮތަށް ޕާޓީތަކުން ނިންމެވުމުން ރައީސް ނަޝީދު ވަނީ މަރުހަބާއާއި ތަހުނިޔާ ވިދާޅުވެފައެވެ. އެގޮތަށް މަސައްކަތް ކޮށްފިނަމަ ޑިމޮކްރަސީ އަލުން އިޔާދަ ކުރެވޭނެ ކަމަށް ވެސް ވިދާޅުވިއެވެ.
