އުރީދޫ މަސްރޭސް 2023 – ފުވައްމުލައް ސިޓީ ގެ ޗެމްޕިއަންކަން ޓީމް ރީފް ރައިޑާސް ކާމިޔާބުކޮށް މި އަހަރުގެ އުރީދޫ މަސްރޭސް ނިންމާލައިފިއެވެ.
ފުވައްމުލައް ބަނދަރުގައި ބޭއްވި މި މުބާރާތް ނިންމުމުގެ ރަސްމިއްޔާތުގައި ފުވައްމުލަކު ސިޓީގެ މޭޔަރު އިސްމާއިލް ރަފީގާއި ފުވައްމުލަކު އުތުރު ދާއިރާގެ މެމްބަރު މުހައްމަދު ރަޝީދާއި ފުވައްމުލަކު ދެކުނު ދާއިރާގެ މެމްބަރު މުހައްމަދު މުމްތާޒުގެ އިތުރުން އެ ސިޓީގެ އިއްޒަތްތެރިން ބައިވެރިވެވަޑައިގެންނެވި އެވެ.
ފުވައްމުލަކުގައި ކުރިއަށްދިޔަ އުރީދޫ މަސްރޭސް 2023 ގެ ޗެމްޕިއަންކަން ޓީމް ރީފް ރައިޑާސް އިން ހޯދީ ޖުމްލަ 1326.45 ޕޮއިންޓާ އެކު، ފައިސާގެ އިނާމެއްގެ ގޮތުގައި 25،000 ރުފިޔާ ހޯދައިގެންނެވެ.
ފޯރިގަދަކަމާ އެކު ކުރިއަށް ދިޔަ މި މުބާރާތުގެ ރަނަރަޕްކަން ހޯދައިފައިވަނީ ޖުމްލަ 335 ޕޮއިންޓާއެކު ޓީމް ނަގާއި ހާލީ އިންނެވެ. އަދި މުބާރާތުގެ 3 ވަނަ ހޯދައިފާވަނި ޖުމްލަ 175.8 ޕޮއިންޓާއެކު މޭރި ބޮލް ޓީމުންނެވެ.
ފުވައްމުލައް ސިޓީގައި ބޭއްވުނު މަސްރޭހުން އެންމެ ބަރު މެހެއްގެ ގޮތުގައި ބާނާފައިވަނީ ބަރުމިނުގައި 8.05 ކިލޯ ގެ ރޫބީ އެކެވެ. އެންމެ ބަރުމަސް ބޭނި ފަރާތުގެ މަގާމު ހޯދާފައިވަނީ ޗެމްޕއިންކަން ހޯދި ރީފް ރައިޑާސް ޓީމުން އަބްދުﷲއިބްރާހިމް އެވެ. އެންމެ ބަރު މަސް ބޭނި ފަރާތައް މި އަހަރުގެ މަސްރޭހުގެ ގިފްޓް ޕާރޓްނަރ ސީގިއަރ ގެ ފަރާތުން ވަނީ އަގުހުރި ގިފްޓް ޕެކެއް ހަދިޔާކޮށްފައެވެ.
އެންމެ ބަރު މަހުގެ އިތުރުން އަބްދުﷲއިބްރާހިމް ވަނީ ޖުމްލަ 17 މަސް ބާނާ ފުވައްމުލައް ސިޓީ ގައި ބޭއްވުނު އުރީދޫ މާސްރޭހުގެ އެންމެ މޮޅު ފިރިހެން ކެޔޮޅުގެ މަގާމު ވެސް ކާމިޔާބުކޮށްފައެވެ.
މީގެ އިތުރުން މުބާރާތުގެ އެންމެ މޮޅު އަންހެން ކެޔޮޅުގެ މަގާމް ކާމިޔާބުކޮށްފައިވަނީ މޭރި ބޮލް ޓީމުން ސަފާ އަދްނާނު އެވެ.
އުރީދޫ މޯލްޑިވްސް ޓީމުން އަދި މަސްރޭސް ގެ ޕާރޓްނަރުންގެ ފަރާތުން ފުވައްމުލައް ސިޓީގައި ކުރިއަށް ދިޔަ މަސްރޭހުން ވަނަތައް ހޯދި ފަރާތްތަކަށް ވަރަށް ހޫނު މަރުހަބާއެއް އަރިސްކުރެއެވެ. އުރީދޫ މޯލްޑިވްސްގެ 18 ވަނަ އަހަރީ ދުވަސް ފާހަގަކުރުމުގެ ގޮތުން މިއަހަރު މަސްރޭސް ވަނީ އިތުރަށް ކުލަގަދަ ކޮށް މާލެ ސިޓީ، ކުޅުދުއްފުށި ސިޓީ، އައްޑޫ ސިޓީ އަދި ފުވައްމުލައް ސިޓީއަށް ފުޅާކޮށްފައެވެ.
