މާލެެއިން އިތުރު 42 މީހަކަށް ކޯވިޑް-19 ޖެހިއްޖެއެވެ. މިއަދު ޕޮޒިޓިވްވީ 42 މީހުންގެ ތެރޭގައި ހިމެނެނީ އެންމެ ދިވެއްސެކެވެ. ދެން ތިބީ 28 ބަނގްލާދޭޝީންނާއި އިންޑިއާގެ 13 މީހުންނެވެ. މި އަދަދާއެކު ރާއްޖެއިން ކޯވިޑް-19 ޖެހުނު މީހުންގެ އަދަދު 163 އަށް އެރީއެވެ.
ކޯވިޑްގެ ހާލަތު ލަފާކުރި ވަރަށް ވުރެ ރަނގަޅު ކަމަށް ފެނުމާ ގުޅިގެން މާލޭ ސަރަހައްދުގައި އޮތް ފުރަބަންދަށް މިހާރު ވަނީ ލުއިތަކެއް ދީފައެވެ. ސަރުކާރުން ހާމަކޮށްފައިވާ ގޮތުގައި ރާއްޖޭގައި ދުވާލަކު ކޯވިޑް-19 ޖެހޭ މީހުންގެ އެވްރެޖް އަދަދު ހުންނާނީ 40 އާއި 50 އާ ދެމެދުގައެވެ. އިއްޔެ މާލެއިން ކޯވިޑް ޖެހުނު މީހުންގެ އަދަދަކީ 78 އެވެ. އެއީ 25 ދިވެހިންނާއި 50 ބަނގްލާދޭޝީންނާއި އިންޑިއާގެ 3 މީހުންނެވެ.
ފުރަބަންދަށް ލިއި ދިނުމާއެކު ސަރުކާރުން ހާމަކޮށްފައިވާ ގޮތުގައި ލުއި ދީފައި އޮންނަ މުއްދަތުގެ ތެރޭގައި ބަލި ޖެހޭ މީހުންގެ އަދަދު ތަންކޮޅެއް ގިނަ ވަމުން ދިއުމަކީ އެކަށިގެންވާ ކަމެވެ.
