ކުޑަ ކޮޓަރި
އަލަށް ހޮޓަލަށް އައި މީހަކު ހޮޓަލުގެ މުވައްޒަފަކާ ޒުވާބު ކުރަނީއެވެ. "އަހަރެން މިހާރު ސަތޭކަ ފަހަރު ބުނެފިން މިކޮޓަރި އަހަންނަކަށް ކަމަކު ނުދެއޭ- މި ކޮޓަރީގައި އުޅެން އެއްބަސް ވާނީ މޮޔައެއް- މިއީ ކޮތަރު ކޮށްޓެއްނު-؟ މި ތާނގައި މިހިރީ އެންމެ ގޮނޑިއެއް- ހުރީ ފަސް ވޯޓުގެ އެންމެ ބޮތްކެއް- ކުޑަ ދޮރެއް ނެތް- ދެތިން މީހުންނަށް ވަދެވޭހައި ޖާގައެއް ނެތް- ކަލޭމެން ހީކުރީ އަހަރެން މިއީ މޮޔައެއް ކަމަށްތަ-؟? އަހަރެން މި ކޮޓަރިއަކު ނޫޅޭނަން-"
ހޮޓަލުގެ މުވައްޒަފަށް އަނގައިން ނުބުނެ ނުހުރެވިގެން އެންމެ ފަހުން ބުނެލިއެވެ.
"ސާޙިބާ- އެތެރެއަށް ވަންނަވާ- މިއީ އަދި ކޮޓަރިއެއް ނޫން- މިއީ މި ހޮޓަލުގެ ލިފްޓު-!"
ޢުމުރު
ފަނޑިޔާރު: ކަލޭގެ ޢުމުރަކީ ކޮބާ-؟
އަންހެންމީހާ: ސައްބީސް އަހަރާ ދުވަސްކޮޅެއް-
ފަނޑިޔާރު: ރަނގަޅަށް ބުނޭ- ސައްބީސް އަހަރާ ކިތައް ދުވަސް-؟
އަންހެންމީހާ: ސައްބީސް އަހަރާ ނުވަހާސް ހަތަރު ސަތޭކަ ސާޅީސް ތިން ދުވަހާ ބައި-!
ވަރިކުރެވޭނެ ގޮތް
ފިރިހެންމީހާ: އަޅުގަނޑު ބޭނުން ވަނީ އަނބިމީހާ ވަރި ކޮށްލެވޭނެ އެއްވެސް ގޮތެއް އޮތްތޯ އޮޅުން ފިލުވާލަން-
ޤާޒީ: ކަލޭ އުޅެނީ މީހަކާ އިނދެގެންތަ-؟
ފިރިހެންމީހާ: އާދެ- އަޅުގަނޑު އުޅެނީ މީހަކާ އިނދެގެން-
ޤާޒީ: އެހެން ވެއްޖެއްޔާ އެބައޮތް-
ބައްޕަ ގާތު ބުނާނަން
ކުޑަ ފިރިހެން ކުއްޖަކު މަގުމަތީގައި ސިގިރޭޓު ބޯން ހުއްޓާ ފެނިގެން އަންހެނަކު އެ ކުއްޖާ ބިރު ގަންނަވާލުމުގެ ގޮތުން ބުނެލިއެވެ.
"ކަލޭ ސިގިރޭޓު ބޯ ވާހަކަ ކަލޭގެ ބައްޕަ ގާތު ބުނާނަން-"
އެ ކުއްޖާ އެއްވެސް ޖެހިލުމެއް ނެތި ބުނެލިއެވެ.
"ކަލޭ ހިލޭ ފިރިހެނުންނާ ވާހަކަ ދައްކާ ވާހަކަ ކަލޭގެ ފިރިމީހާ ގާތު ބުނާނަން-"
