މިސަރުކާރަށް ފާޑުވިދާޅުވެ ކުރީގެ ނާއިބު ރައީސް ޑރ. މުޙައްމަދު ޖަމީލް އަހުމަދު ޓުވީޓް ކުރައްވައިފިއެވެ.
އޭނާ ވިދާޅުވެފައިވަނީ ބޮޑތި ޒިންމާތައް ނަގަންޖެހިފައިވާ ކުންފުނީގައި އަދިވެސް ދާއިމީ މެނޭޖިންޑިރެކްޓަރެއް ނެތްކަމަށެވެ. "މުޅިންވެސް އަމަލުތައް ހުރީ އިޤްތިޞާދު އަދަވަޅަކަށް ވެއްޓި، ރައްޔިތުންގެ ޖީބު ހުސްވާ ގޮތަށް،" ޖަމީލް ވިދާޅުވެފައިވެއެވެ." އޭނާ އެވިދާޅުވީ މޯލްޑިވްސް އެއާޕޯޓް ކޮމެޕެނީ (އެމްއޭސީއެލް) ގައި ދާއިމީ އެމްޑީއެއް ނެތްވާހަކައެވެ.
ޑރ، ޖަމީލް ގެންދަވަނީ ދޭތެރެދޭތެރެއިން ސަރުކާރަށް ފާޑުވިދާޅުވަމުންނެވެ. އޭނާ ވިދާޅުވެފައިވަނީ އަހަރެއް ވެގެންދިޔައިރުވެސް ސީޕްލޭން ޓާމިނަލްއަށް ހަދާނެ ގޮތެއް ސަރުކާރަށް އެނގިފައިނުވާ ކަމަށެވެ. "މިވަރު ކަމެއް ނިންމަން ނޭނގުނުއިރު ކިހިނެއްތޯ އިޤްތިޞާދީ ބޮޑެތި ނިންމުންތައް ނިންމާނީ؟ އާ ޕެސެންޖަރ ޓާމިނަލް ލަސްވުމުގެ ނޭދެވޭ އަސަރުވެސް ފަތުރުވެރިކަމަށް ހީނުކުރާ ވަރަށް ކުރާނެ،" ޖަމީލް ވިދާޅުވެފައިވެއެވެ.
