ފިންލޭންޑްގައި އަންހެނުންގެ ވެރިކަމެއް ގާއިމުކުރެވިއްޖެއެވެ. އަލަށް ބޮޑު ވަޒީރުކަން ލިބިވަޑައިގެންނެވި ޒުވާން ސެނާ މަރިން އެކުލަވާލެއްވި 19 މެންބަރުންގެ ކެބިނެޓުގައި 12 އަންހެން ބޭފުޅުންނަށް ވަޒީރުކަން ދެއްވާފައިވެއެވެ.
ކެބިނެޓުގައި ހިމެނިވަޑައިގަންނަވާ ބޭފުޅުންގެ އުމުރަށް ބަލާއިރު ފިންލޭންޑުގެ ކެބިނެޓު ހިމެނެނީ ދުނިޔޭގެ އެންމެ ޒުވާން ކެބިނެޓުގެ ގޮތުގައެވެ. ވަޒީރުންގެ އެވްރެޖު އުމުރަކީ 33 އަހަރެވެ.
ބޮޑުވަޒީރު ސެނާ މަރިން 34އ ހިމެނިވަޑައިގަންނަވަނީ ދުނިޔޭގެ އެންމެ ޒުވާން ބޮޑުވަޒީރުގެ ގޮތުގައެވެ. ސެނާ މަރިންއަކީ ފިންލޭންޑުގައި ބޮޑުވަޒީރުކަން ކުރައްވާ އަންހެން ތިން ވަނަ ބޮޑު ވަޒީރެވެ.
ސެނާ މަރިން ބޮޑު ވަޒީރުކަމަށް ވަޑައިގަތީ 5 ޕާޓީއެއް ގުޅިގެން އުފައްދާފައިވާ ކޯލިޝަންއެއްގެ ތެރެއިންނެވެ. އެ ފަސް ޕާޓީގެ ވެރިންނަށް ތިއްބެވީ ވެސް އަންހެން ބޭފުޅުންނެވެ.
ސޯޝަލް ޑިމޮކްރެޓިކް ޕާޓީގެ ސެނާ ވަނީ ބޮޑުވަޒީރުކަން ލިބިވަޑައިގަތުމުގެ ކުރިން ޓްރާންސްޕޯޓް އެންޑް ކޮމިއުނިކޭޝަން މިނިސްޓަރކަން ކުރައްވާފައެވެ.
ފިންލޭންޑަކީ އުފެއްދުންތެރި، ތަނަވަސް، އަދި އަންހެނުންގެ ހައްގުތައް ހިމާޔަތް ކުރުމުގައި މުޅިދުނިޔެއިން ވެސް ފާހަގަކުރެވޭ ގައުމެކެވެ.
މުސްތަޤުބަލުގައި ދިވެހިރާއްޖެވެސް އެހަރުފަތަށް އަރާނެ އެއީ މިހާތު ތަޢުލީމު ގޯދާ އަންހެނުންގެ ނިސްބަތަށްބަލާއިރު އެކަން އެހެންވުން ވަރަށް ގާތް އެއީ ކަންކަމުގައި ޖިންސަށްވުރެ ބޮޑަށް ބަލަންޖެހޭނީ ޢިލްމީ ޤާބިލުކަމަށް އަދި ސާބިތުކަމާއެކު ކުރިމަލާންކެރޭ ބަޔަކަށް.