ރިތި ޤުރުއާނާބެހޭ ޤައުމީ މަރުކަޒުން "ފުރުޞަތު 2020" ގެ ނަމުގައި އޯޕަންޑޭއެއް ބޭއްވުމަށް ހަމަޖައްސައިފިއެވެ.
މިއީ އެ މަރުކަޒުގައި ކިޔަވަމުންދާ ދަރިވަރުންނާއި ޢާންމު ފަރާތްތައްތަކަށް ހުޅުވާލައިގެން ކުރިއަށްގެންދިއުމަށް ހަމަޖެހިފައިވާ ޚާއްސަ ހަރަކާތެކެވެ. މިޙަރަކާތް ބާއްވާނީ ޑިސެމްބަރު 14 ވަނަދުވަހު ހަވީރު 4:00 ގައި ކީރިތި ޤުރުއާނާބެހޭ މަރުކަޒުގައެވެ.
މި ހަރަކާތުގެ ތެރެއިން ކީރިތި ޤުރްއާނާބެހޭ ޤައުމީ މަރުކަޒުން ހިންގަމުންދާ ކޯސްތަކާއި ޕްރޮގްރާމްތަކާއިގުޅޭ މަޢުލޫމާތު ރައްޔިތުންނަށް ފޯރުކޮށްދޭނެއެވެ. އަދި ކީރިތި ޤުރްއާނާބެހޭ ޤައުމީ މަރުކަޒުގައި ކޯސް ފުރިހަމަ ކުރަމުންދާއިރު ހުރި ފުރުސަތު ތަކާއި ބެހޭ މަޢުލޫމާތު ވެސް ލިބިގެންދާނެއެވެ. އޭގެ އިތުރުން ކޯސްތަކުގައި ކިޔަވައިދޭ މޮޑިއުލްތަކާއި މުއްދަތު ފަދަ މުހިއްމު މަޢުލޫމާތު ދިނުމާއި ކޯސްތަކާއި ޕްރޮގްރާމް ތަކުގައި ބައިވެރިވާން ބޭނުން ފަރާތްތަކަށް ފޯމް ފުރުމަށް އެހީތެރިވެދިނުންވެސް ކުރިއަށް ގެންދެވޭނެއެވެ.
އޯޕަންޑޭގެ ހަރަކާތްތައް ކުރިއަށް ގެންދާނީ އެދުވަހު ހަވީރު 4:00 އިން 6:00 އަށް އަދި 8:00 އިން 10:00 އަށެވެ.
