ދިވެހިރާއްޖޭގެ އުއްތަމަފަނޑިޔާރު ކަމުގެ މަޤާމަށް މިއަދު ބޭފުޅަކު އައްޔަން ކުރައްވައިފިއެވެ.
ރައްޔިތުންގެ މަޖިލީހުގެ ރުހުމާއެކު ރައީސް އިބްރާހީމް މުޙައްމަދު ޞާލިޙު، އެމަޤާމަށް އައްޔަން ކުރައްވައިފައިވަނީ އަލްއުސްތާޒު އަޙުމަދު މުޢުތަސިމް ޢަދުނާނެއެވެ.
އުއްތަމަ ފަނޑީޔާރަކަށް އޭނާ އައްޔަން ކުރެއްވީ ކުރިން އެމަޤާމުގައި ހުންނެވީ ޑރ. އަޙުމަދު ޢަބްދުﷲ ދީދީ އެމަޤާމުން ވަކިކުރެއްވުމަށްފަހުއެވެ. އޭނާ އެމަޤާމުން ވަކިކުރެއްވީ ސްލޫކީ މައްސަލައަކާ ގުޅިގެންނެވެ. އެ މަޤާމަށް މުޢުތަސިމް އައްޔަން ކުރައްވައި މަޤާމުގެ ފަތްކޮޅު ޙަވާކޮށްދެއްވީ ރައީސް އޮފީހުގައި އެކަމަށް އިތް ރަސްމިއްޔާތެއްގައި ރައީސް އިބްރާހީމް މުޙައްމަދު ޞާލިޙެވެ.
މުޢުތަސިމަކީ ޓްރާންސިޝަނަލް ލޯ އިން މާސްޓަރ ހައްދަވައިފައިފައިވާ ބޭފުޅެކެވެ.
މުޢުތަސިމްގެ ޢިތުރަށް ރައީސް ވަނީ ސުޕްރީމް ކޯޓުގެ ފަނޑިޔާރު ކަމަށް ކުރީގެ ބަންޑާރަނާއިބު އަލްއުސްތާޒު ޙުސްނުއްސުޢޫދު އައްޔަން ކުރައްވައިފައެވެ. އޭނާ އެންމެފަހުން ހުންނެވީ މަރކޮމިޝަންގެ ރައީސަކަށެވެ. ސުޕްރީން ކޯޓުގެ ފަނޑިޔާރަކަށް ވަޑައިގެންނެވުމަށްޓަކައި އޭނާ ވަނީ އެމަޤާމުން އިސްތިއުފާ ދެއްވައިފައެވެ.
