ޖިނާއީ އިޖުރާއަތުގެ ޤާނޫނަށް އިޞްލާޙު ގެނައުމުގެ ބިލެއް އެކުލަވާލައި އެޓާނީޖެނެރަލްގެ އޮފީހުން ރައީސް އޮފީހަށް ފޮނުވައިފިއެވެ.
އޭޖީއޮފީހުން ވިދާޅުވެފައިވަނީ އެބިލު ސަރުކާރުން މި ބިލު ހުށަހެޅުމުގެ ބޭނުމަކީ،މިހާރު ޢަމަލުކުރަމުންދާ ޖިނާއީ އިޖުރާއަތުގެ ޤާނޫނަށް ޢަމަލުކުރަން ފެށުމަށްފަހު، އެ ޤާނޫނު ތަންފީޒު ކުރުމުގައި ދިމާވެފައިވާ ދަތިތައް ޙައްލުކުރުމަށް ކަމަށެވެ. އަދި އެ ޤާނޫނުގައި އިތުރަށް ބަޔާންކުރަންޖެހޭ އިޖުރާއަތުތައް ކަނޑައެޅުމަށާއި، އެނޫނަސް އެ ޤާނޫނުގައި ފުރިހަމަކުރުމަށް ހުރި މުހިންމު ކަންކަން ފުރިހަމަކުރުމަށްޓަކައި ކަމަށް ވެސް އޭޖީ އޮފީހުން ވިދާޅުވެފައިވެއެވެ.
އެޖީއޮފީހުން އެބިލް ރައީސް އޮފީހަށް ފޮނުވުމުން ރައީސް އޮފީހުން އެބިލް ފޮނުވާނީ ރައްޔިތުންގެ މަޖިލީހަށެވެ.
އޭޖީއޮފީހުންވަނީ ފުލުހުންގެ ޤާނޫނު ވެސް އިސްލާޙުކުރުމަށް ޑްރާފްކުރުމަށްފަހު ރައީސް އޮފީހަށް ފޮނުވައިފައެވެ.
