މާރާމާރީ ހިންގި ދެ ބިދޭސީން ހޯދަން ފަށައިފި

މާފަންނު މާޔާކުލިނިކް ކައިރީގައި ހުކުރު ދުވަހު މަރާމާރީ ހިންގި ދެ ބިދޭސީން ހޯދުމުގެ މަސައްކަތް ކުރަމުންދާ ކަމަށް ފުލުހުން ވިދާޅުވެއްޖެއެވެ.

މިމަރާމާރީގައި ހިންގާފައިވަނީ ހުކުރުދުވަހު 11:39 އެހައިކަންހާއިރު އެވެ. އެހެންނަމަވެސް އެމަޢުލޫމާތު ފުލުހުނާ ހަމައަށް ލިބިފައިވަނީ އެދުވަހު 1:18 އެހައިކަންހާއިރުއެވެ.

މިމާރާމާރީގައި އެކަކު ވަނީ ޒަޚަމްވެފައެވެ. މަޢޫލޫމާތު ލިބިފައިވާ ގޮތުގައި މި މާރާމާރީގައި ތިން މީހަކު ހިމެނެއެވެ. އެތަނުން އަނިޔާ ލިބިފައިވަނީ އެކަކަށެވެ. އެމީހާއަށް އަނިޔާ ކުރުމަށްފަހު އަނެއް ދެމީހުން ވަނީ ގޮސްފައެވެ. ބައެއް މީހުން ބުނާ ގޮތުގައި ތިން މީހުންގެ ތެރެއިން އެކަކު އުޅުނީ އަނެއް ދެމީހުން ދުރުކުރާށެވެ.

އަނިޔާ ލިބުނު މީހާއަށް ހޮސްޕިޓަލުން ފަރުވާދިން ކަމަށްވެސް މަޢުލޫމާތު ލިބިފައިވެއެވެ. އެހެންނަމަވެސް އެކަން ކަށަވަރު ވެފައެއް ނުވެއެވެ.