މޯލްޑިވިއަން ޑިމޮކްރަސީ ނެޓްވޯކް (އެމްޑީއެން)ގެ ދިރާސާ ބިނާވެފައި އޮތީ އިސްލާމްދީނާ ދައުލަތް ވަކިކޮށްލުމަށް ކަމަށް އިސްލާމިކް މިނިސްޓްރީގެ ސްޓޭޓް މިނިސްޓަރ އައްޝައިޚް އިލްޔާސް ޖަމާލު ވިދާޅުވެއްޖެއެވެ. އޭނާ ވިދާޅުވީ އެރިޕޯރޓް ކިޔާލުމުން ދޭހަވަނީ އެކަންކަމަށެވެ.
މިއަދު އިސްލާމިކް މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި ސްޓޭޓް މިނިސްޓަރ ވިދާޅުވީ ކިޔަވައި ދިނުމުގެ މުޤައްރަރުގައި، އިސްލާމްދީނުގެ ވާހަކަ އައިސްގެން ނުވާނެކަން، ރިޕޯރޓް ކިޔާލުމުން ދޭހަވާކަމަށެވެ. އެރިޕޯރޓްގައި ވާކަންކަމަށް އަލިއަޅުވާލައްވާ، އިސްލާމިކް މިނިސްޓްރީން ވަރަށް ޢިލްމީ ދިރާސާއެއްކޮށް ރައްޔިތުންނާ ޙިއްސާކުރައްވާނެކަމަށް އޭނާ ވިދާޅުވިއެވެ.
އެމްޑީއެންގެ ދިރާސާއަކީ ދިރާސާކުރުމަށް ގެންގުޅޭ މިންގަނޑު ނުވަތަ އެތިކްސްއާ ވެސް ޚިލާފަށް ކޮށްފައިވާ ދިރާސާއެއް ކަމަށް ސްޓޭޓް މިނިސްޓަރ ފާހަގަ ކުރެއްވިއެވެ. ދިރާސާކުރުމުގެ ނަމުގައި ވަކިބަޔަކު ހޮވާލެވިގެން އެމީހުންނާ ވާހަކަ ދައްކާ އިސްލާމްދީންގެ މަފްހޫމް، ދީން ކިޔަވައިގެން ތިބި މީހުންގެ ގާތުން އޮޅުފިލުވާލުމެއް ނެތި ބޭނުން ގޮތަކަށް ޖަޖުކޮށްފައިވާކަން ފާހަގަ ކުރެއްވިއެވެ.
ބޭރުޤައުމަކުން ފަންޑުކޮށްގެން އެމްޑީއެން ގެ ރިޕޯރޓް ތައްޔާރު ކޮށްފައިވުމުން ސްޓޭޓް މިނިސްޓަރ ވަނީ ކަންބޮޑުވުން ފާޅުކުރައްވައިފއެވެ. އެމްޑީއެންގެ ރިޕޯރޓްގެ ސަމަރީގައިވާގޮތުން އެރިޕޯރޓަކީ ބޭރުގެ ޤައުމެއްގެ ފަންޑަކުން ޚަރަދުކޮށްގެން ކޮށްފައިވާ ދިރާސާއެއްކަން ހާމަވާކަށާއި އެކަމަކީ ކަންބޮޑުވެވަޑައިގަންނަވާ ކަމެއްކަމަށް އޭނާ ވިދާޅުވިއެވެ. އަދި އެމަސައްކަތުގައި އުޅުނު މީހުންނަށް މުސާރައިގެ ގޮތުގައި 18 ހާހައި 20 ހާހާ ދެމެދުގެ ޢަދަދަކަށް ރުފިޔާ ދީފައިވާ ކަމަށް، މަޢުލޫމާތުލިބިފައިވާކަމަށް ވެސް އޭނާ ވިދާޅުވިއެވެ.
ސްޓޭޓް މިނިސްޓަރ އައްޞައިޚް އިލްޔާސް ޖަމާލު ވިދާޅުވީ އެ ރިޕޯރޓް ސޯޝަލް މީޑިއާގައި ތިލަވުމާއެކު އެކަން ތަޙްޤީޤްކޮށްދެއްވުމަށް ކަމާބެހޭ އިރާދާތަކުގައި އިސްލާމިކް މިނިސްޓްރީން އެދިފައިވާ ކަމުގައެވެ.
އިސްލާމްދީނުގެ ޢަދުއްވުން އަބަދުވެސް މުސްލިމުން ބައިބައިކުރުމަށް މަސައްކަތް ކުރާނެ ކަން ފާހަގަ ކުރައްވާ މުސްލިމުން ޖެހެނީ އެކަންކަމަށް ހޭ އަރައިތިބެންކަމަށް ޞައިޚް އިލްޔާސް ޖަމާލު ވިދާޅުވިއެވެ. މިކަން ތިލަވެ ހާމަވެގެން ދިއުމަކީވެސް ލެއްވި ރަޙްމަތެއްގެ ގޮތުގައި އެނާ ފާހަގަކުރެއްވިއެވެ.
"އަޅުގަނޑުމެންގެ ހިތްތައް ޒަހަމް ކުރުވައފި އަޅުގަނޑުމެންނަށް ވަރަށްބޮޑު ފުން ހިތާމައެއް ލިބިއްޖެ. އަޅުގަނޑުމެން މިތިބީ އެވޭނުގައި. މީގެ ކުރިން އަޅުގަނޑުމެންނަށް، އިވެނީ ބޭރު ޤައުމަކުން، ކާފަރުންތަކެއް ނުވަތަ ޢަދާވަތްތެރިންތަކެއް ރަސޫލާއަށް ފުރައްސާރަ ކުރާވާހަކަ. އެކަމު މިއަދު މިކަން އައިސްގެން މިއުޅެނީ އަޅުގަނޑުމެންގެ ތެރެއިން" އަސަރާއެކު ޞައިޚް ވިދާޅުވިއެވެ.
މިމައްސަލަ ވަރަށް ރަނގަޅަށް ބައްލަވާ އަޅަންޖެހޭ ފިޔަވަޅުތައް އަޅުއްވަމުން ގެންދަވާނެކަމަށް ވެސް ސްޓޭޓް މިނިސްޓަރ ފާހަގަ ކުރެއްވިއެވެ.
"މިއާއެކު މަޑުކަށިވެގެނެ ދީނާ ކުޅެން ފުރުޞަތު ނުދޭނެ ފަދައިން ހަރުކަށިވެގެން ދީނުގައި ނެތް ކަންކަން ގެނެސް، ހައްދު ފަހަނަޅައި ދިއުމަށް ވެސް ފުރުޞަތު ނުދޭނަން. އެ ދަބައިވެސް މިޤައުމުން ނައްތާލެވި ސައްތައިން ސައްތަ އިސްލާމީ ޤައުމެއްގެ ގޮތުގައި މިޤައުމު އޮންނާނީ" އައްޞައިޙް އިލްޔާސް ޖަމާލު ވިދާޅުވިއެވެ.
Hairaan vaakahala kameh noon.MDP siyaasathakee dheenaa dhaulaiy vakikurun.emeehunnah veevarakun thikamah masakkaiy
kuraane.dheraee dheenee
baeh meehunnah mikankan reykaalanee kanve nimeyfahun kamahvaathee
duniye AAI aakirathahvur magaamu beynunve DEMOCRACY KURIERUVUMAH MASHKAIY KURAA SHEIK NNAKY ISLAM DYNAH FURASSARA KURAMEEHUN BATHILU EHCHEHGA HIFAIGEN RANGALHU EHCHEH NEREVIDANETHO?