ރާއްޖޭގެ 36 ރަށެއްގައި ފެނާއި ނަރުދަމާ ނިޒާމްގެ ސާރވޭ ކުރުމާއި، ޑިޒައިން ކުރުމާއި އީއައިއޭ މަސައްކަތްކުރުމަށް ޕްލޭނިން މިނިސްޓްރީން މިއަދު ޙަވާލުކޮށްފިއެވެ. މި މަސައްކަތް ޙަވާލުކޮށްފައިވަނީ އިޕޮކް ޕްރައިވެޓް ލިމިޓެޑް އިން އެސޯސިއޭޝަން ވިތު ފީޑުބެކް އިންފްރާ ޕްރައިވެޓް ލިމިޓެޑް (އިންޑިޔާ) އަދި ފޯރސައިޓް ސާރވެޔާރސް ޕްރައިވެޓް ލިމިޓެޑާ އެވެ.
މި އެއްބަސްވުންތަކުގައި ސޮއި ކުރައްވައިފައިވަނީ ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައެވެ. އެއްބަސްވުންތަކުގައި ޕްލޭނިން މިނިސްޓްރީގެ ފަރާތުން ސޮއި ކުރެއްވީ އެމިނިސްޓްރީގެ ޕާމަނަންޓް ސެކްރެޓަރީ ޒީނިޔާ އަޙްމަދު ޙަމީދެވެ. އިޕޮކް ޕްރައިވެޓް ލިމިޓެޑް އިން އެސޯސިއޭޝަން ވިތު ފީޑްބެކް އިންފްރާ ޕްރައިވެޓް ލިމިޓެޑުގެ ފަރާތުން ސޮއިކުރެއްވީ އެކުންފުނީގެ މެނޭޖިންޑިރެކްޓަރ މުޢާވިޔަތު ޢަބްދުއްސައްތާރެވެ.
މި މަޝްރޫޢުތަކުގެ ދަށުން ގއ.ދެއްވަދޫ، ގއ.ނިލަންދޫ، ގދ.ނަޑެއްލާ، ލ.ހިތަދޫ އަދި ލ.ކުނަހަންދޫގައި ފެނާއި ނަރުދަމާ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 3,229,800.00 ރުފިޔާއަށެވެ. މި ރަށްރަށުގެ މަސައްކަތް ނިންމަން އެއްބަސްވެފައިވާ މުއްދަތަކީ 6 މަސް ދުވަހެވެ.
މ.ނާލާފުށި، މ.ރަތްމަންދޫ، ވ.ކެޔޮދޫ އަދި ވ.ރަކީދޫގައި ފެނާއި ނަރުދަމާ ނިޒާމްގެ ޑިޒައިން މަސައްކަތާއި ތ.ދިޔަމިގިލި އަދި ތ.މަޑިފުށީގައި ފެނުގެ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 3,598,920.00 ރުފިޔާއަށެވެ. މަސައްކަތުގެ މުއްދަތަކީ ވެސް 6 މަސްދުވަހެވެ.
އއ.ފެރިދޫ، އއ.ހިމަންދޫ އަދި އދ.ކުނބުރުދޫގައި ފެނާއި ނަރުދަމާ ނިޒާމްގެ ޑިޒައިން މަސައްކަތާއި އދ.އޮމަދޫ، އއ.މަތިވެރި، އއ.ދިއްދޫ އަދި އދ.ފެންފުށީގައި ފެނުގެ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 3,552,780.00 ރުފިޔާއަށެވެ. މި މަސައްކަތްވެސް ނިންމަން އެއްބަސްވެފައިވާ މުއްދަތަކީ 6 މަހެވެ.
ޅ.އޮޅުވެލިފުށި އަދި ރ.ފައިނުގައި ފެނާއި ނަރުދަމާ ނިޒާމްގެ ޑިޒައިން މަސައްކަތާއި ބ.ކަމަދޫ، ބ،މާޅޮސް، ރ.އިންނަމާދޫ އަދި ކ.ހިންމަފުށީގައި ފެނުގެ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 3,322,080.00 ރުފިޔާއަށެވެ. މިމަސައްކަތް ވެސް ޙަވާލުކޮށްފައިވަނީ 6 ދުވަހުގެ ތެރޭގައި ނިންމާ ގޮތަށެވެ.
ނ.ފޮއްދޫ، ނ.މާފަރު އަދި ށ.ގޮއިދޫގައި ފެނާއި ނަރުދަމާ ނިޒާމްގެ ޑިޒައިން މަސައްކަތާއި ނ.ހެނބަދޫ، ނ.މަނަދޫ އަދި ށ.ފީވަކުގެ ފެނުގެ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 4,752,420.00 ރުފިޔާއަށެވެ. މި މަސައްކަތުގެ މުއްދަތަކީ ވެސް 6 މަސް ދުވަހެވެ.
ހދ.ކުމުންދޫ، ހދ.ހިރިމަރަދޫ، ހއ.ވަށަފަރު އަދި ހއ.ތަކަންދޫގައި ފެނާއި ނަރުދަމާ ނިޒާމްގެ ޑިޒައިން މަސައްކަތާއި ހއ.މާރަންދޫ އަދި ހއ.މުރައިދޫގެ ފެނުގެ ނިޒާމްގެ ޑިޒައިން މަސައްކަތް ކުރުމަށް ހަވާލުކޮށްފައިވަނީ 3,598,920.00 ރުފިޔާއަށް އެމަސައްކަތް ވެސް ޙަވާލުކޮށްފައިވަނީ 6 މަސް ތެރޭގައި ނިންމާ ގޮތަށެވެ. މި މަސައްކަތްތަކުގެ އިތުރަށް އީއައިއޭ ހެދުމަށް ވެސް އެކުންފުންޏާ ވަނީ ޙަވާލުކޮށްފައެވެ.
މިރަސްމިއްޔާތުގައި ބައެއް ދާއިރާތަކުގެ މަޖިލީސް މެމްބަރުން ބައިވެރިވެ ވަޑައިގެންނެވިއެވެ.
