މިނިވަން މެމްބަރެއްގެ ގޮތުގައި ރައްޔިތުންގެ މަޖިލީހަށް އިންތިޚާބުވެ ވަޑައިގެންފައިވާ ކާށީދޫ ދާއިރާގެ މެމްބަރ ޢަބްދުﷲ ޖާބިރު ޑީއާރުޕީއަށް ސޮއި ކުރައްވަން ނިންމަވައިފިއެވެ.
ޑީއާރުޕީގެ ލީޑަރު މުޙައްމަދު ނަޝީދު ބައެއް ނޫސްތަކަށް މަޢުލޫމާތު ދެއްވަމުން ވިދާޅުވެފައިވަނީ ޖާބީރާއެކު އިތުރު ދެ މެމްބަރަކުވެސް ޑީއާރުޕީއާ ގުޅިވަޑައި ގަންނަވާނެ ކަމަށެވެ. އެހެންނަމަވެސް އެއީ ކޮން މެމްބަރުންނެއްކަން އަދި އޮތީ ސިއްރެއްގެ ގޮތުގައެވެ.
ޖާބިރު އެޕާޓީއާ ގުޅިވަޑައިގެންނެވުމުން ޕާޓީ ހިންގެވުމުގައި އިސްކޮށް ހުންނަވާނީ އޭނާއެވެ.
މަޢުލޫމާތު ލިބިފައިވާ ގޮތުގައި ޖާބިރު ޑީއާރުޕީއަށް ސޮއިކުރައްވާނީ ޖުލައި 26 ވަނަ ދުވަހުއެވެ.
