ވެލިބަރު ކޮށްގެން ދަތުރުކުރި ދޯންޏެއް މާލޭ ކޮމާޝަލް ހާބަރު ސަރަހައްދުން ބަންޑުން ޖަހާލައިފިއެވެ.
އެމްއެންޑީއެފްގެ ތަރުޖަމާނު ކެޕްޓަން އިބްރާހީމް ޢާޒިމް ވިދާޅުވީ ދޯނި ބަންޑުންޖަހާލި އިރު އޭގައި 7 މީހުން ދަތުރުކުރި ކަމަށެވެ.
އެސްޓޯއޯގެ ޒިބްރާ ޓަގުން ވަނީ އޭގެ ތެރެއިން 6 މީހަކު އެއަށް ނަގައިފައެވެ. އަނެއް މީހާ ނަގާފައިވަނީ އެމްއެންޑީއެފް ކޯސްޓްގާޑު ލޯންޗަށް ކަމަށް ޢާޒިމް ވިދާޅުވިއެވެ.
އެ ހަތް މީހުންގެ ތެރޭގައި ހިމެނެނީ 6 ބިދޭސީއަކާއި ދިވެއްސެކެވެ. އެތަނުން ބިދޭސީއެއްގެ ފައިގެ ކަށިމަތިން ތަންކޮޅެއް ވަނީ މަށައިގެން ގޮސްފައެވެ. އިތުރު މީހަކަށް އަނިޔާއެއް ލިބިފައި ނުވާކަމަށް ޢާޒިމް ވިދާޅުވިއެވެ.
މި ޙާދިސާގެ މަޢުލޫމާތު އެމްއެންޑީއެފަށްލިބިފައިވަނީ މިއަދު ހެނދުނު 8:45 އެހައިކަންހާއިރު ކަމަށް ވެސް ޢާޒިމް ވިދާޅުވިއެވެ. ދޯނީގެ ވެރިފަރާތުން ގެންދަނީ ދޯނި ނެގުމުގެ މަސައްކަތް ކުރަމުންނެވެ.
އެއިން ދަތުރުކުރި މީހުން މިހާރުވެސް މާލެ ގެނެސްފައެވެ.
