މާލޭ މަގުމަތިން ސައިކަލުގައި ދިޔަ އަންހެނެއްގެ އައެންސިސްގެ ފައިސާ ފޭރުނު މައްސަލައިގައި މީހަކު ބަންދުކޮށްފިއެވެ.
ފުލުހުން ވިދާޅުވެފައިވަނީ އެ މައްސަލައިގައި ބަންދުކޮށްފައިވަނީ އުމުރުން 25 އަހަރުގެ ފިރިހެނެއް ކަމަށެވެ. އޭނާ ބަންދުކޮށްފައިވަނީ ކޯޓު އަމުރެއްގެ ދަށުން ނެވެ. އޭނާ ބަންދުކުރީ ރޭގެ ދަންވަރުގެ ވަގުތެއްގައި މާލެއިންނެވެ.
މި މައްސަލާގައި ތުހުމަތު ކުރެވޭ އިތުރުބަޔަކު ހޯދުމުގެ މަސައްކަތް ކުރައްވަމުން ގެންދަވާ ކަމަށް ވެސް ފުލުހުން ވިދާޅުވިއެވެ.
މާލޭގައި ސައިކަލް ދުއްވާފައި ދިޔަ އަންހެއްނެގެ އަތުން އޭނާގެ ދަބަސް ގަދަކަމުން ފޭރިގެންފައިވަނީ ސައިކަލެއްގައި ދިޔަ ދެ ފިރިހެނެކެވެ. ފޭރިގަތް ވީޑިއޯ ސޯޝަލް މީޑިއާގައިވަނީ އާންމުވެފައެވެ.
