ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބްރާހީމް މުހައްމަދު ސާލި (އިބޫ) ކޮޅުމަޑުލު ވޭމަންޑުއަށް ވަޑައިގެންނެވުމުން އެރަށުން އެމަނިކުފާނަށް ހޫނު މަރުބާއެއް ދަންނަވައިފިއެވެ.
ތ. އަތޮޅަށް އެމަނިކުފާނު ކުރައްވަމުން ގެންދަވާ ކެންޕޭން ދަތުރުފުޅުގައި އެމަނިކުފާނުގެ އަރިހުގައި އެމްޑީޕީއާއި ގުޅިފައިވާ ޕާޓީތަކުގެ އިސްބޭފުޅުން ބައިވެރިވެވަޑައިގަންނަވައެވެ.
އެމަނިކުފާނުގެ މިދަތުރުފުޅުގައި ވަނީ އެއަތޮޅުގެ ގިނަ ރަށްރަށަށް ވަޑައިގަންނަވާ ގޮތަށް ވަނީ ހަމަޖެހިފައި ކަމަށް މައުލޫމާތު ލިބިފައިވެއެވެ. މިދަތުރުފުޅުގައި އިބޫގެ އަރިހުގައި ބައިވެރިވެ ވަޑައިގަންނަވާ ޖުމްހޫރީޕާޓީގެ ނާއިބު ލީޑަރު ޑރ. ހުސައިން ރަޝީދު ހަސަން ވިދާޅުވީ ވޭމަންޑޫއިން އިބޫއަށް 70 އިންސައްތައަށް ވުރެ މަތިން ވޯޓު ލިބިވަޑައިގަންނަވާނެ ކަމަށް އުންމީދު ކުރައްވާ ކަމަށެވެ. އޭނާ ވިދާޅުވީ އެރަށު މީހުންނަކީ ސަރުކާރުގެ ގިނަވަޒީފާ ތަކުގައި އުޅޭ މީހުން ކަމަށެވެ. ސަރުކާރުން ވަނީ އެމީހުންނަށް ވަޒީފާގެ ބިރު ދައްކައިފައި ކަމަށް ވިދާޅުވިއެވެ. ސަރުކާރުގެ ފިއްތުން ތަކާއެކު ވެސް އިބޫއަށް މަރުހަބާ ދަންނަވަން ގިނަ މީހުން ނުކުންނަ ކަމަށް ވެސް އޭނާ ވިދާޅުވިއެވެ.
އިބޫ ތ. އަތޮޅުގެ ދަތުރުފުޅަށް ފަހު މާދަމާ ވަޑައިގަންނަވާނީ ލ. އަތޮޅަށެވެ.
