ގައުމީ އެވޯޑު ހާސިލްކޮށްްފައިވާ ތަރި ކަންގަނާ ރަނޯތް ދެކޭގޮތުގައި ޑިމޮކްރަސީ އަށް އެންމެ ފައްކާ ލީޑަރަކީ ބޮޑުވަޒީރު ނަރެންދްރަ މޯދީ އެވެ. އޭނަ މިހެން ބުނެފައިވަނީ 'ޗަލޯ ޖީތޭ ހޭން' ގެ ސްކްރީނިން ގައި މީޑިއާ އާ ވާހަކަދައްކަމުންނެވެ. 'ޗަލޯ ޖީތޭ ހޭނ' އަކީ މޯދީގެ ކުރީގެ ދިރިއުޅުއްވުމުގެ މައްޗަށް ބިނާކޮށް ތައްޔާރު ކޮށްފައިވާ ކުރު ފިލްމެކެވެ. ކަންގަނާ ބުނެފައިވަނި އަދި އެއް ދައުރު މޯދީ އަށް ދޭން ޖެހޭ ކަމަށެވެ. އެހެންކަމުން 2019 އަހަރު ލޮކް ސަބާ އިންތިޚާބުގަިއ މޯދީ އަށް ކާމިޔާބު ހޯދައި ދިނުން ހައްގެވެ.
ކަންގަނާ ބުނިގޮތުގައި ފިލްމުގައި މޯދީ ތުއްތު އިރު ތަހައްމަލް ކޮށްފައިވާ ދަތިތައް ވަރަށް މޮޅަށް ގެނެސްދީފައިވެއެވެ. އަދި އޭނާ ދެކޭ ގޮތުގައި އެފިލްމަކީ މޯދީ އާ ބެހޭ ގޮތުން ހަދާފައި އޮތް ފިލްމެއް ނޫނެވެ. އެއިން ދައްކައިދެނީ މުޖަތަމއުގެ އެންމެން ގުޅިގެން ބަދަހި މުޖްތަމައެއް އުފެއްދުމަށް މަސައްކަތް ކުރަން ޖެހޭ ކަމެވެ. ފިލްމުން ފެންނަނީ މޯދީގެ ހަޔާތުގެ ވަރަށް ކުޑަ މިންވަރެއް ކަމަށްވެސް އޭނާ ބުނެފައިވެއެވެ.
މޯދީގެ ވެރިކަމުގެ ހަތަރު އަހަރު އެނެލައިޒްކުރުމަށް އެދުމުން ކަންގަނާ ބުނެފައިވަނީ މޯދީ އަށް ބޮދުވަޒީރުގެ މަގާމު ލިބިފައިވަނީ އެމަނިކުފާޏުގެ ބައްޕާ ނުވަތަ މަންމަގެ ނުފޫޒުން ނޫން ކަމަށެވެ. އެހެން ކަމުން ބޮޑުވަޒީރުކަން އެންމެ ހައްގު ބޭފުޅަކީ އެމަނިކުފާނެވެ. އެއީ ޑިމޮކްރަސީ އަށް އެންމެ ފައްކާ ލީޑަރެވެ. މޯދީ މަގާމަށް ވަޑައިގެންފައިވަނީ ބުރަ މަސައްކަތް ކޮށްގެން ކަމަށާއި އެހެންކަމުން މަގާމު އަތުނުލެވޭނެ ކަމަށް ކަންގަނާ ބުންޏެވެ. އަދި އެމަނިކުފާނު މަގާމަށް ހޮވިވަޑަައިގެންނެވީ ރައްޔިތުން ވޯޓު ދީގެން ކަމަށްވެސް ކަންގަނާ ބުންޏެވެ.
