ބޮލީވުޑްގެ ސުޕަރސްޓަރ ސަލްމާން ޚާން އާއި ޕްރިޔަންކާ ޗޯޕްޅާގެ ފިލްމް 'ބާރާތް' ގެ ޝޫޓިން މިއަދު ފަށައިފިއެވެ. މިއީ ސަލްމާން އާއި ޕްްރިޔަންކާ 10 އަހަރަށްފަހު ސްކްރީން ހިއްސާކުރާ ފުރަތަމަ ފަހަރެވެ.
'ބާރާތް' ގެ ޝޫޓިން މިއަދު ފެށިކަން ހާމަކޮސްފައިވަނީ ފިލްމުގެ ޑައިރެކްތަރު އަލީ އައްބާސް ޒަފަރް މިއަދު ކުރީ ޓުވީޓެއްގައެވެ. އޭނާގެ ޓުވީޓުގައި ފިލްމުގެ ކާސްޓު ޓެގުކޮށްފައިވެއެވެ. އެއީ ސަލްމާން ޚާން އާއި ޕްރިޔަންކާ ޗޯޕްރާ އާއި ދިޝާ ޕަޓާނީ، ސުނިލް ގުރޯވަރ އަދި އަތުލް އަގްނިހޯތްރީ އެވެ.
So here we are together again.... @Bharat_TheFilm begins its shoot today. May god bless us @BeingSalmanKhan @priyankachopra @DishPatani @WhoSunilGrover @atulreellife @TSeries pic.twitter.com/47YPwjHyX4
— ali abbas zafar (@aliabbaszafar) July 22, 2018
ސަލްމާން އާއި ޕްރިޔަންކާ މީގެ ކުރީން ފެނިފައިވަނީ 'ގޯޑް ތޫސީ ގްރޭޓް ހޯ' އިންނެވެ. ސަލްމާން އާއި ޕްރިޔަންކާ އަކީ 'ސަލާމޭ އިޝްގް' އާއި 'މުޖްސެ ދޯސްތީ ކަރޯގޭ' ފަދަ ކާމިޔާބު ފިލްމުތައް ކުޅެފައިވާ ޖޯޑެކެވެ. 'ބާރާތް' އަކީ މިދެތަރީންގެ ހަތަރުވަނަ ފިލްމެވެ. މިއަހަރުގެ ކުރީކޮޅު މި ފިލްމު އިއުލާން ކުރުމާއެކު ގިނަބަޔަކު ދަނީ މި ޕްރޮޖެކްޓަށް އިންތިޒާރު ކުރަމުންނެވެ.
އަލީ އައްބާސް ޒަފަރް އަންނަނީ ފިލމުގެ ތައްޔާރީތައް ދޭތެރެދޭތެރެެއިން ޓުވިޓަރ މެދުވެރިކޮށް ގެނެސްދެމުންނެވެ. މި ފިލްމުގައި ރާޖް ކަޕޫރް ގެ 'މޭރާ ނާމް ޖޯކަރު' ގެ ސާރކަސް ސިލްސިލާ އެއް ހިމަނާގޮތަށް ވަނީ ހަމަޖެހިފައެވެ. ސަލްމާން އާއި ދިޝާ ޕަޓާނީ އަންނަނީ އެ ސާރކަސް ސީކުއެންސަށް ވެސް ތައްޔާރުވަމުންނެވެ. އަލީ އައްބާސް ޒަފަރް މަސައކަތް ކުރަމުންދަނީ 'އިންޑިއަން-ރަޝިއަން' ސާރކަސް އެއް އުފެއްދުމަށެވެ. މި އެކްޓަށް ތައްޔާރުވުމަށް ދުނިޔޭގެ އެކި ގައުމުތަކުން ޕާފޯމަރުން މަސައްކަތް ކުރާނެއެވެ. ސަލްމާން ކުޅޭނީ ސްޓަންޓް މޮޓޮރސައިކްލިސްޓެއްގެ ރޯލެވެ. ދިޝާ ކުޅޭނީ ޓްރެޕީޒް އާޓިސްޓެއްގެ ރޯލެވެ.
'ބާރާތް' ގެ ތައްޔާރީތައް:
Straps #flying people @Bharat_TheFilm preparation..,,,,, pic.twitter.com/90uZM9IGcg
— ali abbas zafar (@aliabbaszafar) July 18, 2018
And with such heavy rains outside , dedicated , hard working @DishPatani continues her @Bharat_TheFilm shoot rehearsals ?? pic.twitter.com/DuR04smaOF
— ali abbas zafar (@aliabbaszafar) July 3, 2018
'ބާރާތް' ގެ ޝޫޓިން ފަށާފައިވަނީ މުމްބާއީ ގައި ހުންނަ ފިލްމިސްތާން ސްޓޫޑިއޯ ގައެވެ. އޯގަސްޓު މަހާ ހަމައަށް ޝޫޓިން ކުރިއަށް ގެންދާނީ މި ސްޓޫޑިޯގައެވެ. އެއަށްފަހު މޯލްޓާގައި މަންޒަަރުތަކެް ނެގުމަށްފަހު އަބޫ ދާބީ ގައި ގައިވެސް ޝޫޓް ކުރާނެއެވެ.
