ބޭނުންވާނެ ތަކެތި:
400 ގުރާމް ޕާސްޓާ
ޖޯޑެއްގެ ހަތަަރު ބައިކުޅަ އެއްބައި ނަޓްސް، ސަން ފްލާވަރ އޮށް
މޭޒުމަތީ ސަމުސަލުގެ އެއް ސަމުސާ އޮލިވް އޮއިލް
3 ލޮނުމެދު، ތުނިކޮށް ކޮށާފައި
މޭޒުމަތީ ސަމުސަލުގެ ދެ ސަމުސާ އޮލިވް
1 ލުނބޯގެ ހުތް، އަދި ތޮށި ގާނާފައި
ދެ ދަޅު މަސް (ތެޔޮ މަސްދަޅު)
ޖޯޑަކާއި ޖޯޑެއްގެ ހަތަރުބައިކުޅަ އެއްބައި ކްރީމް
މޭޒުމަތީ ސަމުސަލުގެ އެއް ސަމުސާ ތައިމްސް
ޕާމެސަން ޗީޒް، ގާނާފައި (ޗީޒް ބޭނުން ނުކުރިއަސް އެންމެ ރަނގަޅު)
ތައްޔާރު ކުރާނެ ގޮތް:
ކެކި ކެކި ހުރި ފެން އެއްޗަކަށް ޕާސްޓާ އަޅައި ކައްކާށެވެ. ފެނަށް ރަހަ ލާވަރަށް ލޮނު ކޮޅެއް އަޅަންވާނެއެވެ. ރަނގަޅަށް ކެކުމުން ހަލަންޏަޔަކަށް ނަގާށެވެ.
ތަވައަކަށް ތެޔޮ ކޮޅެއް އަޅައި މަޑު ގިނީގައި ހޫނު ކުރާށެވެ. ދެން އޭގެ ތެރެއަށް ސަން ފްލާވާރ އޮށާއި ނަޓްސް އަޅައި ޓޯސްޓު ކުރާށެވެ. ޓޮސްޓުކޮށް ނިމުމުން ތަށްޓަކަށް ހުސްކުރާށެވެ. އަނެއްކާވެސް ތަވަޔަށް ކުޑަ ތެޔޮ ފޮދެއް އަޅައި މަޑު ގިނީގައި ހޫނުކުރާށެވެ. ތެޔޮ ފޮދު ހޫނު ވުމުން ލޮނުމެދާއި އޮލިވް އަޅައިގެން ދެ މިނިޓް ނުވަތަ ތިން މިނިޓް ވަންދެން ކައްކާށެވެ. މަޑުމަޑުން ހަލުވަމުން ލުނބޯ ތޮށްޓާއި ޓޫނާ އޭގެތެރެއަަށް އެއްކުރާށެވެ. އެއަށްފަހު ކްރީމް އާއި މޭޒުމަތީ ސަމުސަލުގެ ދެ ސަމުސާ ނުވަތަ ތިން ސަމުސާ ލުނބޯ އަޅައި އެއްމިނިޓް ނުވަތަ ދެ މިނިޓް ވަންދެން ކައްކާށެވެ. ދެން ތައިމް ފަތް އަޅައި ސީޒަން ކުރާށެވެ.
ޕާސްޓާގެ ތެރެއަށް ސޯސް އަޅައި އެއްކުރާށެވެ. ސާވް ކުރުމަށްޓަކައި ތަށްޓަށް އެޅުމަށްފަހު ޓޯސްޓުކޮށްފައި ހުރި ސަން ފްލާވަރ އޮށާއި، ނަޓްސް އަދި ބޭނުން ނަމަ ޕާމެސަން ޗީޒް މައްޗަށް އަޅާށެވެ.
ލުނބޯ އާ އެކު ސާވް ކުރެވިދާނެއެވެ. މި ރެސިޕީ އިން 6 މީހުންނަށް ވާވަރަށް ޕާސްޓާ ތައްޔާރު ކުރެވޭނެއެވެ.
