ބައިނަލްއަގުވާމީ ޔޯގާ ދުވަހާއި ގުޅިގެން ހައްޔަރުކޮށްފައިވާ ފަޒްލޫން ބިން މުހައްމަދާއި ޝައިޚް އާދަމް ނިޝާން ބަންދުކުރި މައްސަލަ ހައިކޯޓުގައި އިސްތިއުނާފުކޮށްފިއެވެ.
މި މައްސަލަ ރޭގެ ވަގުތެއްގައި ހުށަހަޅާފައިވީނަމަވެސް އެ މައްސަލަ ބަލައިގަތުމާއި ގުޅޭގޮތުން ކޯޓުން އަދިވަކިގޮތެއް ނިންމާފައެއް ނުވެއެވެ.
ބައިނަލްއަގުވާމީ ޔޯގާ ދުވަސް ފާހަގަކުރުމަށް މިދިޔަ މަހުގެ 21 ވަނަ ދުވަހު ހެނދުނު ފާހަގަކުރި ގަލޮޅު ދަނޑުގައި ބޭއްވި ހަރަކާތަށް ހުއްޓުވުމަށް ބަޔަކުމީހުން ވަދެ، އެ ހަރަކާތަށް ވަނީ ހުރަސް އަޅާފައެވެ.
އެ ހަމަނުޖެހުން ހިންގި މައްސަލައިގައި ދެ ޝައިޚުން ހައްޔަރުކޮށްފައިވަނީ ހަމަނުޖެހުން ހިންގިތާ އެއް ދުވަސް ފަހުންނެވެ.
އެ މައްސަލައާ ގުޅިގެން، އެ ދެެ ޝައިޚުން ދީނީ ނަސޭހަތް ދިނުމުގެ ހުއްދަ އިސްލާމިކް މިނިސްޓްރީން ހިފަހައްޓާފައިވާއިރު، ބަންދުގެ މުއްދަތު ވަނީ ތިންވަނަ ފަހަރަށް އިތުރުކޮށްފައެވެ.
އެގޮތުން ޝައިޚް ނިޝާންގެ ބަންދަށް 13 ދުވަސް އަދި ޝައިޚް ފަޒްލޫންގެ ބަންދަށް 16 ދުވަސް ވަނީ އިތުރުކޮށްފައެވެ.
