ސިޔާސީ ޕާޓީއެއް ހަދައިގެން މަސައްކަތްކުރަމުން މިއަންނަނީ ރައްޔިތުންނަށް ޚިދުމަތްކުރަން ކަމަށް މޯލްޑިވްސް ނެޝަނަލް ޕާޓީ (އެމްއެންޕީ) ގެ ރައީސް ކާނަލް ރިޓެއަރޑް މުޙައްމަދު ނާޒިމް ވިދާޅުވެއްޖެއެވެ.
ނާޒިމް މިހެން ވިދާޅުވީ އެ ޕާޓީގެ ފަރާތުން ވިލިމާލެ ދާއިރާ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި-އިލެކްޝަންގައި ވާދަކުރައްވާ ކެންޑިޑޭޓު އާމިނަތު ޝީޒާގެ ވިލިމާލެ ކެމްޕޭން ޖަގަހަ ހުޅުވައިދެއްވުމަށް ފަހު ވާހަކަ ދައްކަވަމުންނެވެ.
ރައްޔިތުންނާ ގާތުން ޚިދުމަތްކުރުމަށް ވިލިމާލޭ ރައްޔިތުންގެ ޙައްޤުގައި ވަކާލާތު ކުރާނެ، އެއަޑު ކައުންސިލުގައި އިއްވާނެ މެންބަރަކު ހޮވަން ޖެހޭ ކަމަށާއި މިމަސައްކަތްކުރުމަށް އެންމެ ޤާބިލު ކެންޑިޑޭޓަކީ ޝީޒާ ކަމަށް ވެސް ނާޒިމް ވިދާޅުވިއެވެ.
"ސާބިތުކަމާއެކު އިސްނަގައިގެން މަސައްކަތް ކުރައްވާނެ ބޭފުޅެއް ކަމާމެދު އެއްވެސް ޝައްކެއް ނުކުރަން.އަދި މެއި 14 ވަނަ ދުވަހު އޮންނަ އިންތިޚާބުގައި މިގޮނޑި ކާމިޔާބު ކުރާނީ ޝީޒާކަމާމެދު އެއްވެސް ޝައްކެއް ނުކުރަން.
